Matura/ Sot provimi i parë, mbi 30 mijë maturantë testojnë njohuritë në gjuhën e huaj! Publikohet në rrjet teza B e Anglishtes

Matura Shtetërore 2023 zhvilloi sot provimin e parë, atë të gjuhës së huaj. Mbi 30 mijë maturantë iu nënshtruan këtij testi, i cili nisi në orën 10:00 dhe zgjati 2 orë e 30 minuta.

Provimi është zhvilluar në korridoret e shkollave apo në palestra dhe i gjithë testimi u monitorua me kamera për të eliminuar kopjimet apo dhe përdorimin e telefonave gjatë testit. Mirëpo, vetëm 30 minua pas nisjes së provimit, në rrjet u publikua varianti B i tezës së anglishtes. 

Për administrimin e provimeve janë angazhuar mbi 7800 mësues. Në provim janë të përfshira të gjithë nivelet e vështirësisë dhe për herë të parë këtë vit do të ketë një test të veçantë për nxënësit me aftësi ndryshe. Një tjetër risi e maturës do të jetë heqja e fletëpërgjigjeve të provimeve, një kërksesë kjo e maturantëve dhe mësuesve pasi shkaktonte konfuzion te maturantët dhe ngatërresa në korrigjime.

Po ashtu, ndryshe nga vite me parë, kësaj radhe nëse maturanti do të ketë kontestim për notën mund të bëjë ankim dhe të bëhet rivlerësim i testit. Pra, nëse maturanti merr vlerësimin e testit në e-Albania dhe konstaton që ka një problematikë fillimisht do t’i drejtohet shkollës ku ai ka studiuar. Pas ankimit, do të ngrihet një komision i ngritur nga drejtori i shkollës dhe dy mësues të lëndës, të cilët do e vlerësojnë testin dhe pyetjen ku ka kontestime dhe nëse ata vërtetojnë se ka problematikë, testi do t’i dërgohet Qendrës së Shërbimeve Arsimore ankimimi, e firmosur dhe e vulosur nga shkolla me bar kod do të bëhet edhe rivlerësimi i testit.

Pas provimit të gjuhës së huaj, maturantët do t’i nënshtrohen më datën 7 provimit të Gjuhës Shqipe, Matematikës më 13 Qershor dhe provimit të lëndës më zgjedhje më 19 qershor.

Rendit zhvillimet sipas orarit:

Të Fundit Të Parat

SI.E./A.M./Shqiptarja.com

TAG:
• matura shtetërore
• ministria e arsimit