Rama: Berisha do ta bëjë Shqipërinë si Somali
DEBATI PRO E KUNDER
Në parlament kryeministri Berisha deklaroi se ligji mbron Shqipërinë nga mbetjet toksike. “Ky është ligji që i imponon qeverisë të përjashtojë me vendim të Kuvendit të gjitha plehrat toksike, ky ligj i imponon qeverisë mosfutjen e lëndëve toksike, jo si deri tani kur ju ishit në pushtet. Këta që kanë varur shpresat te partia e plehut për të ardhur në pushtet, ta harrojnë, nuk është kjo rruga e pushtetit”- tha Berisha duke akuzuar opozitën dhe kreun e saj, Edi Rama për mashtrim të shqiptarëve.
“Sot kjo ditë shënon de fakto themelimin e 'Partisë së plehut' në këtë sallë. Pasi u themelua Aleanca e plehut shpërtheu epidemia. O burra të gjejmë vota në plehra... po rrëmohet, po kërkohet që në plehra të mbinë particka. Ligji që është miratuar është ai i mbrojtjes së Shqipërisë nga mbetjet toksike” nënvizoi Berisha.
Ai nënvizoi se qeveria ka vendosur që në Shqipëri të hyjnë vetëm 50 lloje mbetjesh, të cilat do të importohen sipas kushteve të nevojshme për të shmangur çdo rrezik.
Nga ana e opozitës, kryetari i Grupit parlamentar të PS-së, Gramoz Ruçi kërkoi heqjen e nenit që lejon importin e mbetjeve dhe mbajtjen e një referendumi. Ruçi nënvizoi se "Opozita jo vetëm nuk e jep votën për këtë ligj, por nëse ai miratohet, do të jetë i pari që opozita do rrëzojë sapo të vijë në pushtet."
“Ne ndahemi prerë në këtë ligj që ke kaluar në dy momente, së pari ligji nuk zgjidh problemin për menaxhimin e plerave tona, së dyti, nuk lejojmë importin e plehrave në Shqipëri. Nuk na imponon dot aletarnativën tëndë, aleanca jonë sot është me qytetarët dhe ne po ta themi, ligji në seancën e parë nëse e miraton sot, është ligji i plehrave që bashkë me qeverisjen tënde të zhduken dhe plehrat nga Shqipëria. Neni 22 lejon importin, Nuk mund të pranojmë as 400 as 50 lloje plehrash, por asnjë. Hiqe këtë nen dhe ulemi të diskutojmë referendum popullor pse nuk pranon, pse ngut. Janë ata që na kanë prurë ne këtu, janë ata që dëmtohen nga ky nen”- tha Ruci.
Deputeti i PS-së, Blendi Klosi i bëri thirrje deputetëve të mos e votojë ligjin që do kthehet në gangrenë për Shqipërinë."Ky ligj është qoka e radhës që kryeministri i bën ndonjë klani klientelist. Ky ligj tregon se Shqipëria do të bëhet vend grumbullimi për plera, kërkohet që Shqipëria të bëhet depo plehrash.... Është një ligj që në asnjë nen të tij nuk flet qartë për menaxhimin e plehrave” tha Klosi. Nga foltorja e Kuvendit shtoi se ligji duhet të kalojë në referendum, që të vendosin shqiptarët për të. "Duhet të ketë referendum. .. Pse keni frikë nga opinioni shqiptar? Pse të mos i dëgjojmë, para se të votojmë me kartonat që ata na i kanë dhënë në dorë? shtoi deputeti i PS.
Nga ana e qeverisë Ministri i Mjedisit, Fatmir Mediu mbrojti ligjin duke e cilësuar atë në parametrat europiane dhe riciklimin si një proces të domosdoshëm për vendin.
Mediu nënvizon se për ligjin janë bërë gjithë konsultimet e nevojshme me pushtetin lokal, specialistët dhe përfaqësuesit e BE-së.
“Është konsultuar pushteti lokal, janë bërë disa takime me përfaqësuesit e tyre, kemi zhvilluar takim përmbyllës për draftin e tij në prezencë të përfaqësues të BE dhe pushtetit lokal, me bashkinë e Tiranës për planin e menaxhimit. Diskutimi ka qenë me të gjithë aktorët pa asnjë lloj përjashtimi, nuk është parë të ftohen njerëz që kundërshtojnë dhe pranojnë”- nënvizoi ai.
Ministri i Mjedisit sqaroi se janë bërë100 milionë investime në industrinë e riciklimit dhe garantoi se ligji kufizon importin ne 55 lloje, pjesë e e listës së gjelbër.
Ai ftoi opozitën, shoqërinë civile dhe kundërshtuesit të jenë pjesë e debatit për kufizimin e listës se gjelbër.
PROTESTA
Drejtues të Aleancës kundër importit të plehrave, si dhe përfaqësues të shoqërisë civile, si dhe analistë të njohur të medias janë mbledhur para parlamentit në shenjë proteste kundër votimit të ligjit për menaxhimin e integruar të mbetjeve. Protestuesit mbajnë pankarta ku shkruhet “Përfaqësues të popullit mos votoni ligjin që vret popullin tuaj”.
Ligji nuk kalon më tek Presidenti i Republikës, pasi ai u shpreh më parë me një dekret, por do të botohet në Fletoren Zyrtare dhe sipas procedurave hyn në fuqi brenda 14 ditëve nga botimi në të. Më pas, dalim udhëzimit për mënyrën se si ai zbatohet, procedurë e cila nuk zgjat më shumë se dy javë deri në një muaj. Pas miratimit të udhëzimeve nga Ministria e Mjedisit, do të fillojë zbatimi i tij.
LIGJI
Më 1 nëntor Komisionin për Veprimtarinë Prodhuese, Tregtinë dhe Mjedisin kaloi të pa ndryshuar ligjin, e kthyer nga presidenti, duke ia lenë seancës plenare ndërmarrjen ose jo të ndryshimeve. Me 12 vota kundër dekretit të Presidentit të Republikës dhe vetëm një pro, komisioni la ligjin në formën fillestare që u miratua një muaj më parë në.Pak ditë më parë Presidenti Topi e ktheu ligjin për mbetjet me argumentin se ai bie në kundërshtim me Kushtetutën e vendit. Presidenti justifikoi vendimin me faktin se ligji nuk jepte garanci për mbrojtjen e mjedisit në vend.
Kthimi i ligjit ngjalli reagime të ashpra. Kryeministri dhe Ministria e Mjedisit e quajti veprim politik. Nga ana e tij, kryetari i Partisë Socialiste në opozitë, Rama akuzoi kreun e qeverisë si një person që sulmon kundërshtarët pa etikë. Ndërsa ambasadori i OSBE-së Wollfarth deklaroi se kthimi i ligjit të mbetjeve, është një proces demokratik.
(s.g/Shqiptarja.com)
Lajme të tjera
-
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Mbahet tryeza e parë për Dokumentin Analitik, ekspertët zbulojnë gjetjet dhe rekomandimet për integritetin e administratës publike dhe konsolidimin e shërbimeve digjitale
4 Nëntor, 20:27 -
'Mashkull, femër apo të tjera', OSBE flet për sondazhin: E konsultuam me Kuvendin
29 Tetor, 09:18
-
Fitorja e partisë proruse, Presidentja e Gjeorgjisë thotë se nuk e njeh rezultatin e zgjedhjeve
27 Tetor, 22:27 -
'Mashkull, femër apo të tjera, çfarë gjinie je?', Tritan Shehu denoncon 'sondazhin' e OSBE-së për deputetët: Fyes, refuzoj ta plotësoj
24 Tetor, 20:21 -
Prapaskenat e garës për sekretarin e Përgjithshëm të OSBE, Shqipëria me kandidaturën e Igli Hasanit mund rivalin turk! Si do zgjidhet në Vjenë
26 Shtator, 17:15 -
Pas Celibashit, ambasadori i OSBE-së në Shqipëri takohet me Presidentin Begaj
7 Qershor, 21:05 -
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59 -
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51 -
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45 -
Basha takon ambasadoren e OSBE, në fokus reforma zgjedhore dhe drejtësia
18 Prill, 19:56
