POP 5

Lajmet më të lexuara të 5 minutave të fundit

Kronikë

Mbërrin kroçera “Azamara Quest”
660 turistë vizitojnë Shqipërinë

Porti më i madh i vendit është bërë sërish pritës i anijeve të mëdha turistike. Me flamur maltez, kroçera “Azamara Quest” me 660 turistë të huaj në bord është ankoruar në Kalatën 5.
DURRES- Porti më i madh i vendit është bërë sërish pritës i anijeve të mëdha turistike. Me flamur maltez, kroçera “Azamara Quest” me 660 turistë të huaj në bord është ankoruar në Kalatën 5.
 
Rreth 180 turistë të huaj u nisën menjëherë për vizita të organizuara me autobusë drejt qyteteve të Beratit, Krujës dhe Tiranës, ndërsa një grup me turistë nga Japonia dhe Hong Kongu përzgjodhën një guidë të ndryshme, përmes një agjencie turistike vendase.
 
Nga Autoriteti Portual mësohet se shumica e vizitorëve janë shtetas nga SHBA (213), Zelanda e Re (109), Britania e Madhe (90), Kanadaja (58) dhe Australia (48).
 
Në kroçerën që po zhvillon një tur mesdhetar nuk mungojnë edhe turistë nga Norvegjia, Japonia, Kroacia, Danimarka, Brazili, Kili, Argjentina, Venezuela, Suedia, Portugalia, Singapori, Hong Kongu dhe Zvicra.
 
Kroçera erdhi nga Dubrovniku (Kroaci) dhe sot në orën 20:00 do të niset për në Ravena (Itali). Pjesa mesdhetare e turit ka nisur më 21 shtator në Venecia dhe do të përfundojë po atje ditën e Diel, pas vizitave në porte të ndryshme të Italisë dhe Kroacisë, përfshirë edhe Durrësin.
 
Anija turistike me një personel prej 408 vetësh mbërrin për herë të parë në vendi tonë. Ajo ka një gjatësi prej 181 metrash dhe është pjesë e kompanisë së kroçerave RÇL.
 
“Azamara Quest” është anija e dytë më e madhe turistike që ka vizituar portin e Durrësit, pas “Artanias”.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident në aksin Librazhd- Prrenjas, trajleri del nga rruga, s'ka të lënduar

Aksident në aksin Librazhd- Prrenjas, trajleri del nga rruga, s'ka të lënduar

11 Janar, 17:49