Ambasada e Italisë në Shqipëri organizoi sot një ceremoni me rastin e Festës së 78-të të Republikës së Italisë.

Në ceremoninë e mbajtur në sheshin “Italia” në kryeqytet, morën pjesë personalitetet më të larta të vendit, Presidenti i Republikës, Bajram Begaj, kryeministri Edi Rama, ministra të kabinetit qeveritar, deputetë të Kuvendit të Shqipërisë, anëtarë të trupit diplomatik të akredituar në Tiranë, si dhe figura të shquara të artit dhe kulturës.

“Festa Kombëtare e Italisë – Rroftë Italia”, shkroi kryeministri Edi Rama në rrjetet sociale, teksa ndau pamje nga kjo ceremoni.

Ministrja e Shtetit për Marrëdhëniet me Parlamentin, Elisa Spiropali u shpreh se, e pranoi me kënaqësi ftesën e ambasadorit të Republikës së Italisë në Shqipëri, Fabrizio Bucci, për të marrë pjesë në pritjen e organizuar me rastin e Festës Kombëtare.

“Një mbrëmje e bukur në nderim të Italisë mike, me të cilën Shqipëria gëzon marrëdhënie të shkëlqyera, shprehi e vlerave dhe botëkuptimeve të asaj çka ndajnë dy vende me histori të ndërtuar në themel të lirisë”, shkroi Spiropali në rrjetet sociale.

Republika Italiane lindi më 2 qershor 1946, me referendumin e thirrur për të zgjedhur formën institucionale për t’i dhënë vendit, i cili shënoi edhe hyrjen e grave në jetën politike italiane.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 11 Dhjetor, 07:30

    Çfarë vlerësimi keni për drejtimin e SPAK nga Altin Dumani?

Lajme të tjera