Ministria e Turizmit, nga rreth 2.000 aplikime për të pajisur me leje për të shitur shërbimin me çadra dhe shezlong nëpër plazhe, deri sot ka miratuar përfundimisht vetëm 150 ndërkohë që 1.000 të tjera janë pranuar vetëm paraprakisht. Kur sezoni veror ka filluar, me një situatë katrastrofike për operatorët për shkak tëCOVID, burokracia shtetërore shton pengesa të reja edhe përtej virusit.
Sot 90% e plazheve në Shqipëri që deri vitin e kaluar kanë ofruar shërbime me çadra dhe shezlong, do mbeten formalisht të jashtëligjshme deri në lëshimin e lejeve, por që institucionet i vonojnë. Shumica e operatorëve janë detyruar kështu të ofrojnë falas çadra që tashme janë montuar duke respektuar distancat dhe duke humbur edhe lekët nga ato pak turistë që kanë vendosur muajin qershor për pushimet e tyre.
Por ky nuk është absurditeti i vetëm që godet operatorët turistikë. IKMT ka marrë urdhër të prishë gjithë baret dhe restorantet në bregdet (që shpesh janë thjesht kafe plazhi) që deri vitin e kaluar ishin pajisur me leje shfrytëzimi të përkohshme, por që këtë vit akoma nuk e kanë marrë. Kështu në mënyrë krejt të papritur gjithë këto lokale, që kanë vuajtur deri më sot efektet e karantinës do prishen me fadroma sepse janë konsideruar pa leje. Dhe fadromat nuk presin as fundin e sezonit turistik. Ata kanë filluar operacionin shkatërrues prej disa javësh në gjithë zonat bregdetare. Kështu masakra ekonomike që ka filluar përpara tërmetit dhe pastaj COVID, plotësohet tani me fadromat e Shtetit.
Vendimet që nuk kane asnjë kuptim në një momet krize financiare kaq të thellë, kur Shteti me një dorë financon me rroga lufte njerëz të mbetur pa punë, dhe me dorën tjetër prish biznese turistike pikërisht në fillim të sezonit. Nëse kjo është vërtetë një luftë kundër një armiku të padukshëm, ateherë ky është edhe momenti i duhur për një moratorium në luftën ndaj informalitetit, të paktën deri në momentin kur kriza financiare do të jetë minimizuar dhe sezoni turistik të ketë mbaruar.
Lajme të tjera
-
Zbardhet dosja, si u falsifikua dokumenti i inxhinierëve dhe si u ndërtua e legalizua hoteli 7-katësh i ish-drejtorit të ALUZINI në Sarandë
21 Mars, 17:26
-
Aksioni i IKMT për zhvendosjen e 'varrezave' të makinave, procedura që ndiqet! Balla në Vlorë: Kryeqytet i turizmit, të pastrojmë territorin
13 Mars, 15:50 -
Lushnjë/ IKMT aksion për zhvendosjen e 'varrezave' të makinave: Janë evidentuar 526 pika! Balla: Ligji, rrugë europiane
11 Mars, 15:45 -
IKMT në aksion, 10 ndërtime pa leje prishen në plazhin ‘Shpella’ në Lukovë
23 Shkurt, 14:34 -
IKMT dhe policia, aksion për “çlirimin” e rrugëve nga makina e të vjetra e pikat e skrapit
23 Shkurt, 09:33 -
IKMT kontrolle në gjithë territorin, ministri Balla: Nuk do të lejohet asnjë ndërtim pa leje apo grumbullim mbetjesh në anë të rrugëve
16 Shkurt, 16:19 -
Përfshihen nga flakët zyrat e IKMT në Fier, shkak dyshohet një defekt në kabinën elektrike
25 Janar, 11:56 -
VIDEO/Projekti për parkun ujor Drilon-Tushemisht, nis prishja e subjekteve
19 Dhjetor 2023, 11:00 -
'IKMT më shumë u padit sesa paditi!' Balla zbulon pse shkarkoi Agim Ismailin! Kreut të ri Hoxha i kërkon plan kontrolli brenda javës
23 Nëntor 2023, 14:25 -
Nën akuzë për shpërdorim detyre, arrestohet drejtori i IKMT Sarandë
23 Nëntor 2023, 09:50 -
Vetëm 8 muaj në krye të IKMT-së, shkarkohet Agim Ismaili! Ja kush e zëvendëson
16 Nëntor 2023, 16:22 -
Regjistrohet rasti i parë i variantit të koronavirusit ‘Pirola’ në Ukrainë
8 Nëntor 2023, 09:54
