KOSOVË- Procesi i vaksinimit kundër koronavirusit do të nis ditën e nesërme në Kosovë, pas mbërritjes së 24 mijë dozave të para të AstraZeneca.
Ministri i Shëndetësisë, Arben Vitia së bashku me Këshillin e Kryetarëve të Komunave ka zhvilluar një takim virtual lidhur me koordinimin dhe fillimin e procesit të vaksinimit.
Gjatë takimit Vita, tha se të parët të cilët do të marrin vaksinën anti-COVID do të jenë personeli shëndetësor, të cilët prej kohësh janë dhe në vijën e parë në luftën kundër virusit, si dhe personat mbi 80 vjeç.
Lajmi është bërë publik përmes një postimi në rrjetin social Facebook të “Asociacioni i Komunave të Kosovës”.
Gjatë takimit, u diskutua edhe lidhur me mundësinë e ndryshimit të masave anti-COVID, pas studimit të situatës epidemiologjike.
Pas përpjekjeve të vazhdueshme për nisjen e procesit të vaksinimit, ditën e djeshme në Kosovë kanë mbërritur 24 mijë doza të AstraZeneca nga COVAX.
Kosova është vendi i fundit në rajon i cili nis vaksinimin kundër COVID-19.
Në përpjekje për të inkurajuar qytetarët tjerë që të vaksinohen dhe të heqin dilemat për sigurinë e vaksinave, Kryeministri i Kosovës, Albin Kurti, është vaksinuar sot i pari me vaksinën e AstraZeneca në sallën “1 Tetori” në Prishtinë. Ndërkohë që në fjalën e tij pas inokulim ai u është përgjigjur edhe kritikave se kas përdorur privilegjin si kryeministër për t’u vaksinuar I pari.
“Si kryeministër nuk jam këtu që ta shfrytëzojë privilegjin që të vaksinohem por të inkurajojë të gjithë qytetarët të vaksinohen meqenëse mbrëmë ka ardhur kontingjenti i parë i vaksinave, do të kemi edhe vaksina tjera dhe do të përpiqemi maksimalisht që sa më shpejtë dhe sa më shumë qytetarë të vaksinojmë. Me shembullin tim dua t’i inkurajojë të gjithë qytetarët të vaksinohen dhe të heqin dilemat. Vaksinimi është i nevojshëm, po përballemi me një pandemi të vështirë dhe zgjidhja përfundimtare është vaksinimi i popullsisë ”, tha Kurti.
Ndërsa, sot pritet të vaksinohet edhe një pjesë e stafit shëndetësor në Klinikën Infektive dhe vaksinimi do të vazhdojë edhe nesër në Klinikën Infektive dhe në sallën “1 Tetori” në Prishtinë. Qytetarët pritet të vaksinohen gjatë të enjtes dhe të premtes.
Në fazën e parë, sipas planit të vaksinimit do të vaksinohen grupet me rrezik të lartë ku përfshihen punëtorët shëndetësorë, banorët dhe punëtorët shëndetësorë të shtëpive të kujdesit për të moshuarit, grupmoshat 80+ dhe një pjesë e popullsisë me sëmundje kronike.
Faza e dytë përfshinë grupmoshat 65-79 vjeç, popullsia e mbetur me sëmundje kronike, mësimdhënësit dhe forcat e sigurisë që janë të përfshira në menaxhimin e pandemisë COVID-19.
Ndërkaq, për fazën e tretë parashihet të bëhet vaksinimi i 50 për qind të popullsisë në mënyrë që të arrijë 900 mijë persona ose 70 për qind të mbulimit të përgjithshëm të popullsisë me vaksinën COVID-19.
Lajme të tjera
-
Kosovë, Lista Serbe paralajmëron se do të ankimojë vendimin e KQZ-së
24 Dhjetor, 18:01 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Gucati përfundon dënimin në Hagë: Qëndrova ballëlartë dhe krenar
24 Dhjetor, 16:51 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Kosovë/ 100 eurot për fëmijë dhe pensionistë, fushatë zgjedhore apo ndihmesë?
23 Dhjetor, 18:47 -
Kosovë/ Kurti lë jashtë zgjedhjeve Listën Serbe, anëtarët e Vetëvendosjes votojnë kundër, KQZ nuk certifikon pjesëmarrjen
23 Dhjetor, 15:47 -
Kosovë/ Policia sekuestron një sasi të madhe të armëve të ftohta në Prishtinë
23 Dhjetor, 14:10 -
Ngrihet aktakuzë në mungesë për krime lufte në Kosovë
23 Dhjetor, 11:01 -
Kapet një sasi e madhe e armëve të ftohta në Prishtinë
23 Dhjetor, 09:44
