Në vitin 2013 një foto u bë virale në rrjetet sociale, ku e reja e diagnostikuar nga një tumor i rrallë kërkonte ndihmë nga njerëzit për ta mposhtur kancerin. Ajo është Ambra Meda dhe sot është në gjendje perfekte shëndetësore përveç kontrolleve të herëpashershme që duhet të bëjë. Një nga familjet që i zgjati dorën vajzës së sëmurë ishte familja e boksierit shqiptar Gjetan Ketës. Ata e mirëpritën në shtëpinë e tyre dhe mbuluan një pjesë të mire të shpenzimeve.
Mbrëmjen e kaluar Meda ka qenë e pranishme në ndeshjen që boksieri Gjetan Keta mundi boshnjakun Sladan Janjanin duke u shpallu kampion bote. Para pak orësh Ambra ka bërë dy postime ku ka shprehur emocionet për njerëzit që e ndihmuan dikur.
Foto e publikuar nga Ambra Meda
“Vijnë momente në jetë kur lutesh dhe përlotesh njëkohësisht. Erdha të përkrah ata që dikur dhanë shpirtin që unë të buzëqeshja sërish. Dua t’ju shoh gjithmonë kështu me fitore të tilla që të ngrejnë zemrën peshë dhe të bëjnë të kuptosh se FAMILJA ËSHTË GJITHÇKA!”- shkruan ajo në postimin e parë në Instagram ku shihet përkrah Gjetanit.
Foto e publikuar nga Ambra Meda
“Ndërsa ky postim shkon për atë, që e shihja të shqetësuar në çdo moment teksa i jepte zemër Gjetan Ketës. Për atë, që më mësoi se në jetë duhet të bësh gjithçka që të buron nga shpirti për të qenë një kampion i mirë brenda teje. Faleminderit që më mësove të mos dorëzohem dhe sot të jem më e fortë se kurrë! Përtej fitores së ndeshjes, ju keni fituar zemrat tona. Urime!”- vazhdon më tej bukuroshja Meda në dedikimin për djalin tjetër të familjes Keta, Ismailin.
Lajme të tjera
-
Ministrja Kushi takon vëllezërit Keta: Vlerat njerëzore jua lartësojnë më shumë titullin kampion
23 Gusht 2021, 15:35 -
'Toka e Kromit' një atraksion turistik për t'u zbuluar! Lulzim Hupi: Si çova në vend amanetin e gjyshit! Gjetan Keta: Të rinjtë të kthejnë sytë nga turizmi!
16 Gusht 2021, 09:47
-
Kikbox, Kalaja e Bashtovës pret në 14 gusht aktin e katërt të sagës 'Duel në themel'! Ferit Keta kundër holandezit Blikland
10 Gusht 2021, 18:56
