Mbi 20 % e popullsisë në
vend ka problem alergjike

Personat që vuajnë nga sëmundjet alergjike në vendin tonë janë rritur shumë, këto 10 vitet të fundit.

Sipas të dhënave prevalenca e këtyre sëmundjeve është rritur me 50 %, dhe një ndër shkaqet kryesore është jo vetëm ndotja e mjedisit, por ndryshimi i stilit të jetesës, nga zonat rurale në ato urbane. Gati 20 % e popullsisë se vendit ka probleme alergjike dhe 7.7 % e fëmijëve janë astmatikë.

Vitet e fundit ka një rritje me gati 50 për qind të sëmundjeve alergjike. Simptomat e rrugëve të sipërme të frymëmarrjes hasen në 20 për qind të popullatës, kurse të rrugëve të poshtme, deri në 7-8 për qind të popullatës. Fëmijët janë kontigjenti më i prekur.

Prevalenca e astmës tek fëmijët shkon mbi 10 për qind të popullatës. Ndotja atmosferike bën që grimcat e poleneve të kthehen në agresive, kështu që në Shqipëri në dekadën e dytë dhe të tretë të jetës kemi një prevalencë shumë të rritur të sëmundjeve alergjike, pikërisht pasi polenet janë më agresive, të bashkangjitur me ndotësit atmosferikë.


Shkrimi u publikua ne Shqiptarja.com