POP 5

Lajmet më të lexuara të 5 minutave të fundit

Kronikë

Mbi 51 mijë vaksinime të kryera në qarkun e Vlorës, kreu i Kujdesit Shëndetësor Kujtim Llapi: Në fundjavë vijnë dozat e tjera të Sinovac

Mbi 51.000 vaksinime të kryera në rrethin e Vlorës që prej fillimit të procesit të vaksinimit, fakt të tillë e konfirmon kreu i kujdesit shëndetësor parësor, Kujtim Llapi. Ai është shprehur se procesi vijon normalisht në 3 qendra të mëdha në Vlorë e rrethina

VLORË- Mbi 51.000 vaksinime të kryera në rrethin e Vlorës që prej fillimit të procesit të vaksinimit, fakt të tillë e konfirmon kreu i Kujdesit Shëndetësor Parësor, Kujtim Llapi. Ai është shprehur se procesi vijon normalisht në 3 qendra të mëdha në Vlorë e rrethina.

‘Vaksinimi masiv vazhdon çdo ditë dhe nuk ka pasur asnjëherë ndalesa edhe gjatë fundjavës. Në rrethin e Vlorës janë kryer mbi 51 mijë vaksinime.’- tha Llapi.

Llapi gjithashtu komenton dhe vonesat e vaksinave Sinovac e Astra-Zeneca, sipas tij për Astra-Zeneca nuk ka vonesa pasi duhet afat 3 mujor për dozën e dytë, ndërsa për Sinovac ka një vonesë, por pritet të mbërrijë javën e ardhshme. Fasha e moshës është 55 vjeç, por janë vaksinuar dhe grupet e riskut.

‘Ka një vonesë të vogël për një pjesë të vogël, dhe do të vijnë në fundjavë, por pjesa dërrmuese e ka bërë edhe dozën e dytë.’- tha më tej ai.

Situata në rang qarku për sa i përket covid19 është e qetë, kjo vihet re dhe në personat që paraqiten tek mjeku i familjes, spitali i Vlorës apo institucione të tjera shëndetësore. Sipas Llapit, ka ndikuar vaksinimi masiv i popullsisë ku rreth i Vlorës mund të jetë më i miri në Shqipëri me mbi 22-23% të vaksinuar.

Konfirmohet gjithashtu nga informacionet se këtë javë mbledhja e komitetit do të sjellë lehtësime të masave kufizuese. Si rrjedhojë kjo jo e ardhjes së sezonit turistik, por ka të bëjë me uljen e rasteve pozitive.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

24 Nëntor, 11:21