POP 5

Lajmet më të lexuara të 5 minutave të fundit

Ekonomi

Mbi 66 mijë subjekte po zbatojnë fiskalizimin! 'Financat': Dominon i biznesi madh, në 1 vit 156 mln fatura

Mbi 66 mijë biznese në vend kanë nisur të zbatojnë reformën e fiskalizimit. Sipas Ministrisë së Financave, biznesi i madh dominon me numrin më të lartë të faturave të lëshuara. Përgjatë një viti janë lëshuar mbi 156 milionë fatura të fiskalizuara.

TIRANË- Mbi 55% e bizneseve në vend kanë nisur të zbatojnë reformën e fiskalizimit. Teksa ka kaluar 1 vit nga vënia në zbatim e fiskalizimit, Ministria e Financave thotë se nga 1 janari 2021 deri më tani janë 66.458 biznese që kanë lëshuar fatura të fiskalizuara. Në total këtë reformë duhet ta zbatojnë rreth 120 mijë biznese.

Gjatë kësaj periudhe janë lëshuar 156,7 milionë fatura të fiskalizuara, nga të cilat biznesit të madh i përkasin 123.8 milionë fatura, ndërsa 32.8 milionë të tjera janë lëshuar nga biznesi i vogël. 

Për ti dhënë mundësinë bizneseve që të zbatonin platformën e re të lëshimit të faturave, Ministria e Financave vendosi që të mos gjobisë bizneset e vogla që nuk e kanë zbatuar sistemin deri në fund të vitit 2021, afat që u shty përsëri për në qershor të vitit 2022.

“Qëllimi është dhënia e kohës së mjaftueshme për bizneset që ata të ngrenë, të përshtatin dhe të familjarizohen sa më mirë me procesin e ri të fiskalizimit”, thotë Ministria e Financave.

Fiskalizimi nisi në janar të 2021 për bizneset e mëdha që lëshonin fatura për entet publike. Më pas në 1 korrik të vitit të kaluar nisi për transaksionet biznes-biznes dhe në 1 shtator të gjitha faturat që bizneset ju lëshonin qytetarëve duhet të ishin të fiskalizuara.

Nëpërmjet fiskalizimit, tatimet monitorojnë në kohë reale transaksionet dhe kjo reformë përpos se pritet të rrisë të ardhurat ndihmon edhe në reduktimin e informalitetit në ekonomi.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03