Mbi 700 të prekur në vit me kancer në mushkëri...vetëm nga duhani!

Rritet numri i rasteve të kancerit të mushkërive në vendin tonë. Kjo gjë u bë e ditur gjatë Kongresit të 11 të Pneumologjisë. Mjekja pneumologe Silvana Bala tha se situata me sëmundjen e kancerit të mushkerive është në rritje, ku vetëm në një vit dignostikohen 700 raste të reja.

“Raste të reja për kancerin pulmonar kemi rreth 50-60 raste të cilat rriten cdo vit si raste të reja. Pra ne diagnostikojmë në vit rreth 700 pacient të rinj me kancer të mushkërive, është një numër i konsiderueshëm”-u shpreh mjekja pneumologe

Faktori kryesor për rritjen e numrit të kancerit të mushkërive është duhani, i shoqëruar dhe nga faktorë ambiental.

“Situata e sëmundjeve, qoftë këto kronike obstruktive qoftë të kancerit është në rritje për faktin sepse janë vite që shprehin impaktin e duuhanpirjes. Pra 15-20 vite përpara kur duhanpirja në popullatë edhe është rritur dhe pikërisht ky imakt reflektohet sot në numrin e rritur të pacientëve me kancer dhe sëmundje kronike obstruktive. Pastaj faktorët e tjerë ndotja e ambientit, ndotja e ambientit të punës, ambientit të jashtëm, janë kushtet e tjera që influencojnë në rritjen e numrit të pacientëve”, - tha Bala.

Një tjetër shqetësim lidhet me sëmundjen Spok (semundje pulmonare obstruktive kronike). Mjekët pneumologë bejnë apel për rimbursimin e terapisë së oksigjenimit.

Është faktikisht shumë i kushtueshëm. Në studimet e bëra në botë shkon rreth 5600 dollarë një riakutizim i pacientëve të sëmurë me Spok (sëmundje pulmonare obstructive kronike). Për vendin tonë normalisht është një kosto shumë e lartë, për buxhetin e shtetit për spitalin  për pacientin për familjarin. Ndoshta do ishte një kërkesë e mjekëve tanë pneumologë për ta parë me një sy më të kujdesshëm pjesën e rimbursimit të oksigjeno-terapisë të këtyre pacientëve në shtëpi”, - tha pneumologia.

Sëmundjet e kancerit vijojnë të mbeten një fenomen në rritje në vendin tonë, ndërkohë që bluzat e bardha bëjnë apel të përsëritur për qytetarët që të kujdesen më tepër për shëndetin.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 19/10/2019 19:56

    Shpejt urgjent shteti ta bëj nje paket duhani 30 euro. Keshtu njerezit do shpëtojnë

    Përgjigju
  • Sondazhi i ditës:

    Ditë acari në vend, a i përballoni dot kostot e ngrohjes?



×

Lajmi i fundit

John

Luiza Gega nis mbarë 2022! ‘Rrëmben’ vendin e dytë në turneun e Mançesterit, i siguron kuqezive biletën për në botëror