Mbishkrimet ‘Wagner’ në muret e tabelat në veri të Kosovës, nisin hetimet

Mbishkrimet ‘Wagner’ në muret e tabelat në veri të Kosovës, nisin hetimet

'Wagner', shkruar në murin e një ndërtese në Kosovë, foto nga Nacionale

Policia e Kosovës ka bërë të ditur se në Mitrovicë Veriore dhe në Zveçan, persona të identifikuar kanë shkruar në mure dhe në tabela mbishkrime me ngjyrë të kuqe emrin e grupit rus “Wagner”. Lidhur me këtë rast, autoritetet kosovare kanë njoftuar nisjen e një hetimi.

Mbishkrimet janë cilësuar si “nxitje e urrejtjes dhe përçarjes ndëretnik”. Aktualisht nuk ka ende asnjë person të ndaluar, ndërkohë që hetimet vijojnë.

“Nxitje e urrejtjes dhe përqarjes ndëretnike - Mitrovicë Veri 22.01.2023 – NN. Është raportuar se në mure të objekteve nga persona deri më tani të panjohur, janë shkruar mbishkrime me ngjyrë të kuqe "Wagner". Njësiti policor i hetimeve po merret me rastin, po ashtu është njoftuar edhe prokurori kujdestar. Rasti është duke u hetuar.

Zveçan 22/23.01.2023 – NN. Është raportuar se në në tabelat e komunikacionit nga persona deri më tani të panjohur, janë shkruar mbishkrime "Wagner". Njësiti policor i hetimeve po merret me rastin, po ashtu është njoftuar edhe prokurori kujdestar. Rasti është duke u hetuar.” – thuhet në njoftimin e Policisë.

Një muaj më parë gjatë situatës së tensione ne veri të Kosovës dh  barrikadave, u shfaqën simbolet “Z”, që është përdorur dhe karakterizon agresionin rus në Ukrainë. Simboli “Z” është vendosur në mure, tanke, bluza e shume vende të tjera, si shenjë për të treguar luftën e Rusisë në Ukrainë.

Më herët kryeministri i Kosovës, Albin Kurti tha për një gazetë holandeze se barrikadat në veri ishin të nxitura nga Serbia dhe se gjatë vendosjes së tyre, grupi famëkeq i merenarëve rusë ‘Wanger’ ka qenë në komunat me shumicë serbe dhe shtoi se për këtë kishte edhe prova me foto që tashmë i janë dërguar prokurorisë për t’i hetuar.

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet