Mbledhja e Këshillit/ Një grup deputetësh ngarkohen për zbatimin e vendimeve, do kërkojnë çregjistrimin e Bashës si kryetar nga gjykata

Këshilli Kombëtar i PD i thirrur nga Gazment Bardhi ka ngarkuar një grup deputetësh të ndjekin të gjitha hapat ligjor dhe statutor për zbatimin e vendimit të Këshillit, si dhe për përfaqësimin e Partisë Demokratike, në rrugë ligjore për të kundërshtuar çdo akt që bie ndesh me vendimin.

Gjithashtu, Këshilli Kombëtar i PD, si organi më i lart drejtues i Partisë, i ka autorizuar deputetët që në emër të Partisë Demokratike të Shqipërisë të kërkojnë çregjistrimin e ish-Kryetarit të dorëhequr të PD Lulzim Basha nga regjistri i partive politike, bazuar edhe në vendimin e KAS për dorëheqjen e tij, që është lënë në fuqi nga gjykata. Deputetët janë Bledion Nallbati, Lefter Gështenja, Dashnor Sula, Xhelal Mziu, Helidon Bushati, Sajmir Korreshi dhe Ramadan Likaj.

Lajmi kryesor:

Bardhi ‘pengon’ Bashën për t’u bërë kryetar i PD, Këshilli anulon zgjedhjet dhe 'ngrin' Kryesinë! Sefa: Takim imagjinar, po përdoreni nga Berisha

SI.E./Shqiptarja.com

TAG:
• indrit sefa
• gazment bardhi
• PD
• Lufta brenda PD
• lulzim basha
• sali berisha