Parlamenti Evropian u konstitua zyrtarisht sot në Strasburg, pas zgjedhjeve evropiane të mbajtura nga 6 deri më 9 qershor. 720 ligjvënësit e sapozgjedhur u mblodhën sot në Strasburg për seancën e parë plenare të legjislaturës së 10-të, me një të djathtë ekstreme të përforcuar që kërkon më shumë ndikim në asamble.
I pranishëm në seancë ishte edhe eurodeputeti Fredi beleri i cili u zgjodh në Greqi me partinë “Demokracia e Re” e Mitsotakis. Ai u prit nga nënkryetari i Komisionit Europian Margaritis Schinas, i cili në rrjetet sociale shkruajti: “Evropa është liri e barabartë”! Ata diskutuan për prioritetet e ciklit të ri politik dhe rëndësinë e shtetit të së drejtës në të gjitha vendet kandidate për anëtarësim.
Mediat greke shkruajnë se bashkëpunëtorët e Belerit janë të bindur se ai do të lirohet së shpejti, në mënyrë që në shtator të marrë plotësisht detyrën evropiane. Beleri mori leje nga burgu i Fierit ku vuante dënimin, për t’u betuar si eurodeputet në Parlamentin Europian. Leja i zgjat Belerit deri më datë 20 korrik, ndërsa një ditë më parë ai ishte edhe në Athinë ku u takua me kryeministrin grek Kyriakos Mitsotakis.
![](https://shqiptarja.com/template/img/NO_ALFA_Kuadrate shqiptarja.png)
Parlamenti Evropian do të ketë 720 vende, 15 më shumë se në fund të legjislaturës së mëparshme. 54% e eurodeputetëve janë të sapozgjedhur (në vitin 2019 pjesa e të ardhurve ishte 61%) dhe pjesa e grave është 39% (ishte 40% në 2019). Lena Schilling nga Austria (23 vjeç) është eurodeputeta më e re, ndërsa Leoluca Orlando nga Italia i moshës 77 vjeç është më i vjetri. Mosha mesatare e eurodeputetëve është 50 vjeç.
Eurodeputetët do të votojnë për presidentin e parlamentit me seli në Strasburg të Francës. Kandidatët janë Roberta Metsola (EPP, MT) dhe Irene Montero (The Left, ES). Përpara votimit, të dy dhanë deklarata të shkurtra në seancë plenare.
Votimi do të pasohet nga zgjedhja e 14 nënkryetarëve. Të enjten deputetët e PE do të votojnë nëse do të zgjedhin Ursula von der Leyen si presidente të Komisionit Evropian për një mandat të dytë.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
O turkos Bejleris ine Eurodeputetos. Erdogani është krenar për ADN e tij.
PërgjigjuTurp i madh per Europen! BE ka prekur fundin! Pervec qe Beleri eshte nje hidraulik injorant dhe i shemtuar ai eshte edhe i denuar ne Shqiperi per blerje votash! Ndoshta ka gisht edhe ne atentatin e Peshkepise para 30 vitesh! Faqja e zeze per BE!
Përgjigjuduhet te perpiqemi te gjithe ti mbushim mendjen botes, se ne rilindasit jemi rraca madheshtori e kontinentit. Rrofte xhaxhi Rama!