Mbretëresha Elizabeth feston ditëlindjen e 96-të, në të njëjtin vit shënon 70-vjetorin në fron

Monarkja më jetëgjatë e Mbretërisë së Bashkuar Elizabeth II feston sot ditëlindjen e saj të 96-të, në të njëjtin vit që shënon 70 vjetorin e saj në fron.

Mbretëresha ka udhëtuar në Sandringham, pronën e saj në Norfolk, në Anglinë lindore, për një pushim, pasi dihet se Mbretëresha Elizabeth nuk është në gjendje shumë të mirë shëndetësore pasi kaloi COVID-19, por edhe humbja e Princ Filip la tek ajo një plagë që duket që do të mbyllet kurrë.

Faqja zyrtare e Buckinggam Palace ka shpërndarë në rrjetin social të familjes mbretërore një foto ku Mbretëresha Elizabeth pozon e qeshur mes dy kuajve të saj. Shihet se fotoja është bërë në Kështjellën Windsor në mars, sipas llogarisë së familjes mbretërore në Twitter.

Mbretëresha duke pozuar mes dy kuajve

 

William dhe Catherine, Duka dhe Dukesha e Kembrixhit, e uruan Mbretëreshën me një mesazh për ditëlindjen në rrjetet sociale.

"Një frymëzim për Mbretërinë e Bashkuar, Commonwealth dhe në botë, është veçanërisht e veçantë të festosh në këtë vit PlatinumJubilee."

Charles, Princi i Uellsit dhe Camilla, Dukesha e Cornwall gjithashtu i dërguan një mesazh për ditëlindje Mbretëreshës.

“Duke i uruar Madhërisë së Saj Mbretëreshës një ditëlindje veçanërisht të veçantë të 96-të sot, ndërsa ne festojmë vitin e saj të jubileut Platinum”, postuan dyshja në Twitter.

Jubileu Platinum shënon shtatë dekada që kur Mbretëresha u ngjit në fron në vitin 1952, duke e bërë atë monarken britanike me mbretërimin më të gjatë dhe kryetaren femër më jetëgjatë të shtetit në histori.

Një sërë ngjarjesh do të zhvillohen në të gjithë Mbretërinë e Bashkuar gjatë vitit duke kulmuar me një fundjavë katërditore të festës bankare kombëtare nga e enjtja 2 qershor deri të dielën 5 qershor, e njohur si fundjava jubilare.

Prodhuesi i lodrave Mattel ka njoftuar gjithashtu një kukull Barbie në ngjashmërinë e monarkut për të festuar jubileun. Barbie e Mbretëreshës Elizabeth II ka një fustan fildishi, shirit blu dhe një diademë. Ajo do të dalë në shitje nga e enjtja.

Mbretëresha kohët e fundit është shprehur se është "shumë e lodhur dhe e rraskapitur" për shkak të COVID-19. Monarkja rezultoi pozitive me virusin në shkurt.

Megjithatë, nipi i saj Harry, Duka i Sussex tha se mbretëresha ishte "në formë të shkëlqyer" kur e pa atë në muajin prillit.

“Ishte shumë bukur ta shihja atë”, tha ai në një intervistë për emisionin “Today” të NBC që u transmetua të mërkurën. Përpara se gjyshja e tij të mbushte 96 vjeç, Harry komentoi se "pas një moshe të caktuar mërzitesh nga ditëlindjet".

Duke folur për marrëdhënien që ka me Mbretëreshën, Harry e përshkroi atë si "me të vërtetë të veçantë".

"Ne flasim për gjëra për të cilat ajo nuk mund të flasë me askënd tjetër".

J.GJ./Shqiptarja.com

TAG:
• Mbreteria e Bashkuar
• Mbreteresha Elisabet