Mbretëria e Bashkuar/ Rregulla të reja për të mbrojtur fëmijët në rrjetet sociale

Mbretëria e Bashkuar/ Rregulla të reja për të mbrojtur fëmijët në rrjetet sociale

Me zhvillimin e teknologjisë, siguria në internet duket se po kthehet në një temë prioritare dhe si grupmosha më e rrezikuar për shkak të “naivitetit” dhe mungesës së informacionit janë fëmijët.

Ofcom i cili është rregullator i komunikimit në Mbretërinë e Bashkuar pritet të vendosë disa rregulla dhe kufizime të “lundrimit” në internet nga fëmijët, në kuadër të Aktit të Sigurisë në internet, i cili u miratua me ligj një javë më parë.

Nisma fokusohet në postimet me përmbajtje të paligjshme, të tilla si përmbajtja, mashtrimi dhe abuzimi seksual i fëmijëve, etj.

Sky News raporton se kompanive të rrjeteve sociale do t'u kërkohet me ligj që të mbajnë private të dhënat e vendndodhjes së fëmijëve dhe të kufizojnë se kush mund t'u dërgojë mesazhe të drejtpërdrejta.

Ofcom do të publikojë rregulloren përfundimtare në muajt e ardhshëm rreth sigurisë në internet dhe promovimit të materialit që lidhet me vetëvrasjen dhe vetëdëmtimin, rregullore e cila do të hyjë në fuqi me miratimin parlamentar.

Kodi inkurajon gjithashtu kompanitë e rrjeteve sociale që të përdorin teknologjinë e përputhjes së hash-it për të identifikuar imazhet e paligjshme dhe mjetet për të zbuluar faqet e internetit që mbajnë materiale të tilla.

Po ashtu, nisma parashikon që më hyrjen në fuqi, firmat e teknologjisë duhet gjithashtu të emërojnë një person përgjegjës, i cili do të mbikëqyrë zbatimin e rregullores së Ofcom, pas miratimit nga parlamenti britanik.

 

 

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shpërthimi fatal për babë e bir në Lushnje, a keni siguri në vendin tuaj të punës?



×

Lajmi i fundit

Ylli Pata: Fiksimi për teorinë e shumatoreve të patericave në opozitë

Ylli Pata: Fiksimi për teorinë e shumatoreve të patericave në opozitë