Trupi i mbretëreshës Elizabeth mbërrin në Pallatin Buckingham! Pritet nga familja mbretërore, përfshi Harry-n dhe Meghan! Mbreti Charles III viziton të parën Irlandën e Veriut

Trupi i pajetë i mbretëreshës Elizabeth ka mbërritur në Pallatin Buckingham. Mbreti Charles III dhe e gjithë familja mbretërore kanë dalë duke e pritur, përfshirë edhe Harry-n dhe Meghan-in.

Mbreti Charles pati sërish një moment të sikletshëm me stilolapsin. Teksa po firmoste një dokument zyrtar, përveç se nuk mbante mend se sa ishte data, (kjo ‘i falet’ për shkak të shumëllojshmërisë së emocioneve  që ka përjetuar këto ditë), sërish ka pasur një moment ku ka “menduar me zë të lartë”. Në videon e publikuar nga DailyMail, shihet teksa mbreti Charles ankohet për stilolapsin “O zot e urrej këtë, çdo herë të qelb.

Më pas stilolapsi është marrë nga bashkëshortja e tij, Camila.

Sot mbretesha Elizabeth II u largua nga Skocia me një avion ushtarak për të mbërritur në Pallatin Buckingham. Mirëpo, BBC sjell disa detaje që duhet të dini për këtë avion ushtarak.

Ai është një C-17 Globemaster.

Këta avionë janë përdorur kohët e fundit për të dërguar ndihma humanitare dhe armë në Ukrainë gjatë luftës së saj me Rusinë, dhe për të evakuuar një numër të madh njerëzish nga Kabuli, Afganistan, në vitin 2021.

Turmat me njerëz nën çadrat e shiut janë rreshtuar jashtë Pallatit Buckingham në pritje të kthimit të fundit të Mbretëreshës Elizabeth në shtëpi.

Pak para orës 18:00, Mbreti Charles dhe Camilla, Queen Consort, mbërritën në pallat. Duartrokitje të shumta u dëgjuan nga të pranishmit, disa brohorisnin teksa makina e tyre hyri në portat e Pallatit. 

Pas 24 orësh  ku qëndroi në Katedralen e Shën Giles, në Skoci, arkivoli i Mbretëreshës Elizabeth II po transportohet drejt Pallatit Buckingham.

Avioni ushtarak që mban arkivolin e Mbretëreshës tani është në fluturim dhe do të zbarkojë në Northolt, në perëndim të Londrës, për rreth një orë. Ndërkohë që arkivoli i monarkes pritet të mbërrijë në Buckingham, qindra njerëz po i drejtohen zonës jashtë Pallatit.

Mbreti Charles III është takuar me Kryetarin e Asamblesë së Irlandës së Veriut, Alex Maskey dhe zëvendëspresidenten e Sinn Fein, Michelle O'Neill në Kalanë Hillsborough  Mbreti Charles III dhe Queen Consort sapo kanë marrë pjesë në një pritje në Hillsborough Castle, rezidenca mbretërore në County Down.

Pritja po organizohet nga sekretari i sapoemëruar i Irlandës së Veriut, Chris Heaton-Harris. Mbreti ka takuar përfaqësues të tërhequr nga një gamë e larmishme e jetës së Irlandës së Veriut.

Këto përfshijnë nënpresidenten e Sinn Féin, Michelle O'Neill, kreun e DUP-it, Jeffrey Donaldson, kryetarin e Asamblesë së Irlandës së Veriut, Alex Maskey dhe udhëheqësen e Partisë Aleancë, Naomi Long.

Një 22-vjeçar është arrestuar pasi ka sulmuar Princin Andrew dhe e ka quajtur atë një "njeri të sëmurë". Ngjarja ka ndodhur gjatë kortezhit për Mbretëreshën Elizabeth II në Skoci. 22-vjeçari i cili sulmoi Princin shtyhet dhe rrëzohet në tokë nga turma, e më pas arrestohet nga policia.

Akuzat e të riut vijnë pasi në vitin 2014, kur ai u përmend në një skandal ku u akuzua edhe filantropisti dhe pedofili Jeffrey Epstain. Pavarësisht deklaratave në atë kohë, Princi e ka mohuar disa herë përfshirjen e tij.

Andrew është vëllai më i vogël i mbretit Charles III, 73 vjeç, i cili u ngjit në fron pas vdekjes së nënës së tyre më 8 shtator. Një zëdhënës i familjes mbretërore njoftoi gjatë fundjavës se Andrew dhe ish-gruaja e tij, Sarah Ferguson, do të merrnin kujdestarinë e qenve “corgis” të mbretëreshës.

Televizioni shtetëror iranian e ka krahasuar Mbretëreshën Elizabeth II me Adolf Hitlerin duke e cilësuar “një nga kriminelët më të mëdhenj në historinë e njeriut”.

Teksa e gjithë bota është në zi për ndarjen nga jeta të Mbretëreshës, regjimi autoritar thotë se vdekja e monarkes është ‘lajm i mirë për njerëzit e shtypur të botës’, shkruan Daily Mail.

Ndërsa Ministria e Jashtme e Iranit nuk ka dhënë asnjë koment për vdekjen e saj apo shpalljen e Charles III si mbret. Në rrjetin iranian Channel 1, studiuesi Foad Izadi i Universitetit të Teheranit tha:

“Ndoshta, në 70 vitet e saj në fron, duhet të përfshihet në të njëjtën listë me Hitler. Nga një këndvështrim i caktuar, ne duhet të jemi të trishtuar që vdiq pa u gjykuar, pa u ndëshkuar dhe pa paguar për krimet e saj.”

Në një transmetim në gjuhën angleze në rrjetin qeveritar PressTV, ai shtoi: “Mbretëresha është një imperialiste e famshme, kolonialiste, kriminele lufte. Agresioni i ushtrisë britanike në të gjithë botën bëhet nën emrin e saj.”