POP 5

Lajmet më të lexuara të 5 minutave të fundit

Kronikë

Mbrojtja e mjedisit, Meta: Të shpallim Vjosën Park Kombëtar! Detyrë e qeverisë dhe e çdo qytetari

Në kuadër të ditës Botërore të Mbrojtjes së Mjedisit presidenti Meta ka theksuar sërisht domosdoshmërinë e shpalljes së lumit Vjosa në Park Kombëtar.

Në kuadër të ditës Botërore të Mbrojtjes së Mjedisit presidenti, Ilir Meta ka theksuar sërisht domosdoshmërinë e shpalljes së lumit Vjosa në Park Kombëtar.

Meta është shprehur se mbrojtja e mjedisit dhe lumenjve kaq shumë të rrezikuar ëhstë detyrë shoqërisë, qeverisë dhe e çdo qytetari.

“Është detyrë e të gjithëve, e shoqërisë civile, e Qeverisë, por mbi të gjitha e qytetarëve dhe secilit prej nesh, të mbrojmë mjedisin dhe lumenjtë tanë kaq shumë të rrezikuar. Të mbrojmë Vjosën, lumin e fundit të madh e të egër të Europës, që rrjedh tërësisht i pandërprerë nga Malet e Pindit në Detin Adriatik, duke e shpallur atë sa më shpejt, së bashku me Shushicën dhe Bënçën, degët kryesore që e furnizojnë me ujë, Park Kombëtar. Dua të falënderoj të gjithë shkencëtarët vendas e të huaj dhe organizatat mjedisore, që kanë ndërmarrë fushata të palodhura, brenda e jashtë vendit, në mbrojtjen e Vjosës dhe shpalljen e saj Park Kombëtar”, tha Meta.

Rreziqet që i kanosen mjedisit Meta i ka cilësuar si dëm i gjeneratave të ardhshme.

“Të gjithë jemi të ndërgjegjshëm për rreziqet madhore, që i kanosen në mënyrë të veçantë dhe të papranueshme mjedisit në vendin dhe në komunitetet tona. Për fat të keq shohim një rritje të mungesës së papërgjegjshmërisë në marrjen e vendimeve, që jo vetëm nuk e mbrojnë mjedisin, por e shkatërrojnë atë në mënyrë afatgjatë, në dëm të gjeneratave të tëra, duke minuar njëkohësisht zhvillimin e qëndrueshëm të vendit, por edhe të shumë rajoneve”, vijoi Meta.

Si një nga lumenjtë e egër të fundit në Europë, mbrojtja e Vjosës dhe shpallja e saj në Prak Kombëtar ka tërhequr edhe vëmendjen e ndërkombëtarëve. Një zë i fuqishëm ka qenë edhe mbështetja e aktorit Leondardo di Caprio, i cili vazhdimisht nëpërmjet postimeve ka kërkuar mbrojtjen e lumit Vjosa. 

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

SHBA, avioni me 60 pasagjerë në bord përplaset me një helikopter ushtarak në Uashington, ka viktima

SHBA, avioni me 60 pasagjerë në bord përplaset me një helikopter ushtarak në Uashington, ka viktima

30 Janar, 07:16