POP 5

Lajmet më të lexuara të 5 minutave të fundit

Kronikë

Mbyllen 70% e punimeve në Bypass-in e Vlorës! Balluku: Rruga përfundon përpara sezonit veror! Aksesi në jug do të jetë në pak minuta

Kanë përfunduar 70% e punimeve në Bypass-in e Vlorës. Gjatë një inspektimi të punimeve ministrja e Infrastrukturës Belinda Balluku tha se investimet në rajonin jugor do të bëjnë të mundur aksesin e disa qyteteve në pak minuta. Punimet për këtë projekt pritet të mbyllen para sezonit veror.

Në Bypassin e Vlorës janë realizuar afro 70% e punimeve dhe po vijohet me ritme të shpejta për të garantuar përfundimin në afatet e premtuara të kësaj vepre. Tashmë puna ka nisur edhe në zonën e Kaninës dhe po vijon me intensitet pavarësisht kushteve të motit. Ministrja Belinda Balluku dhe Drejtori i ARRSH, Ergys Verdho inspektojnë punimet. Gjatë inspektimeve ministrja ka deklaruar rruga përfundon dhe do jetë gati për përdorim para nisjes së sezonit veror 2021.

“Pas një periudhe jo pak të vështirë porsa i përket procesit të shpronësimit, kemi nisur punën këtu në zonën më të komplikuar të këtij projekti dhe mesa shikoj edhe me ritme të shpejta madje. Thembra e Akilit do të thosha për pjesën e Kaninës. Dua të përmend që 7 kilometrat e para janë përfunduar me konglomerat, mbetet pa asfaltuar edhe 2.5 kilometra në pjesën e zonës së varrezave që vazhdon me ritme të larta.

Duke u lidhur me zonën e Llogarasë dhe siç mirëfilltazi kuptohet  duke marrë rrugën duke ardhur nga Baypass i Fierit për tu lidhur me atë të Vlorës dhe për tu futur direkt në tunel, aksesi në jug do të jetë në pak minuta. Rruga përfundon dhe do jetë gati për përdorim para nisjes së sezonit veror 2021. Por, kompania që po realizon punimet ka premtuar se do ta përfundojë edhe para këtij afati”, tha Balluku.

Për Ramën dhe Lelin rruga do të bëjë të mundur një transformim epokal për krejt zonën.

“Do të jetë arteria kryesore për jugun e Shqipërisë, plotësohet ansambli i investimeve rrugore”, tha kryebashkiaku Dritan Leli.

“Janë 29 kilometra të cilat do t’i bashkëngjiten pjesës tjetër që lidhet me Bypass-in e Fierit, tashmë i përfunduar, për të vazhduar më pas me segmentin e ri Orikum-Dukat (nga Marina deri tek ura e Shën Elizës) dhe së shpejti edhe me tunelin e Llogorasë, duke bërë të mundur një transformim epokal për krejt zonën, si edhe për Shqipërinë Turistike 2030”, shprehet Rama.

Ndërkohë që përgjatë gjithë gjatësisë së këtij aksi rrugor janë ndërtuar 15 kryqëzime dhe 5 ura kryesore.

Bypass-i i Vlorës po ndërtohet me standardet më të mira dhe parametrat më të lartë të sigurisë. Rruga lidh autostradën Levan-Vlorë me rrugën nacionale  bregdetare  Vlorë-Sarandë, duke ndikuar në lehtësimin e fermerëve, për ndaljen më shpejt në tregje, të prodhimit bujqësor dhe nxitjen e agroturizmit. Vepra është financim i BERZH, BEI dhe BE-së.

Rruga e re me gjatësi 29 km vlerësohet një ndër segmentet me impaktin më të lartë turistik që  do të ndikojë ndjeshëm në lehtësimin e trafikut në qytetin e Vlorës.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Marko: 23/01/2021 19:19

    Partitë e pjerthura 28 vj Liderhajdutet ordinera mashtruesa arroganter privat

    Përgjigju
    • Toni: 23/01/2021 20:01

      O Marko shko bëj një kontroll tek mjeku se simtomat që shfaq tregojnë se të ka rënë pika(hemoragji celebrale)!

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Putin dhe ëndrra për Ukrainën si një shtet kukull i Moskës! Plani i tij për të pranuar armëpushimin

Putin dhe ëndrra për Ukrainën si një shtet kukull i Moskës! Plani i tij për të pranuar armëpushimin

24 Nëntor, 12:38