POP 5

Lajmet më të lexuara të 5 minutave të fundit

Kronikë

Mbyllen Gjykata dhe Prokuoria e Tropojës dhe zhvendosen në Kukës, shqetësimi i Guskës: Populli i thjeshtë s’ka më akses në drejtësi

Gjykata dhe Prokuroria e Tropojës, prej ditës së sotme është zhvendosur në Kukës, duke shënuar edhe nisjen e implementimit të pjesës së dytë të hartës së re gjyqësore. Kjo nuk është pritur aspak mirë nga Dhoma e Avokatisë Kukës dhe sipas Sekretares Aurora Guska, përveç kostos së shtuar tani banorët e Tropojës nuk do të kenë akses në drejtësi por edhe zvarritje të proceseve gjyqësore të cilat sipas saj janë të pafundme

Gjykata dhe Prokuroria e Tropojës, prej ditës së sotme është zhvendosur në Kukës, duke shënuar edhe nisjen e implementimit të pjesës së dytë të hartës së re gjyqësore. Kjo nuk është pritur aspak mirë nga Dhoma e Avokatisë Kukës dhe sipas Sekretares Aurora Guska, përveç kostos së shtuar tani banorët e Tropojës nuk do të kenë akses në drejtësi por edhe zvarritje të proceseve gjyqësore të cilat sipas saj janë të pafundme.

“Jo vetëm populli i Tropojës por edhe populli dhe Hasi kanë vuajtur mungesën e gjyqtarëve. Tashmë populli i Tropojës nuk do të ketë më akses në drejtësi, për t’u bërë një kallëzim penal nuk do ketë ku t’i drejtohet Gjykatës. Qëdo të thotë se opuli i thjeshte do i duhet të bëjë tre orë rrugë. Kjo është një masakër, duke e ditur mirë që Kukësi është qarku më i varfër. Do zvarriten çështjet. S’bëhet më fjalë për afate, ne interesohemi për caktimin e datave. Populli i Tropojës nga sot s’ka më akses.- tha Aurora Guska, sekretare e Dhomës së Avokatisë Kukës.

Sipas avokates Guska, problem tjetër do të jetë edhe shkrirja e Gjykatës Administrative në Shkodër, që pritet të ndodh në muajin korrik.

“Ne si qark, për çdo çështje administrative i drejtoheshim asaj. Tani do shkojmë në Tiranë, nuk dihet fati i kërkesave të qytetarëve’- tha ajo.

Guska, ndër të tjera thotë se mos kryerja në kohë e proceseve gjyqësore ka sjelle e do sjellë në vijimësi edhe mbipopullimit në paraburgime.

Me hyrjen në fuqi të pjesës së dytë të hartës së re gjyqësore, në Gjykatën e Kukësit janë transferuar plot 139 dosje të Tropojës. Bashkë me dosjet janë zhvendosur edhe 2 gjyqtarë të Tropojës. Aktualisht Gjykata e Kukësit ka 4 gjyqtar,2 të Kukësit dhe 2 të Tropojës ndërkohë që mungojnë 3 të tjerë pasi në organikë ka 7 gjyqtarë.

G.MO/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu