Mbyllen ndeshjet e së martës/ Këto janë 8 skuadrat që kualifikohen në fazën tjetër të Champions League! Sjellja raciste e arbitrit ndërpret ndeshjen në Turqi

Kanë përfunduar ndeshjet e kësaj të marte dhe janë konfirmuar sonte 8 skuadrat e para që marrin rrugën drejt fazës së eliminimeve direkte të garës më të fortë evropiane në futboll në nivel klubesh, Ligës së Kampionëve.

Ndeshjet e fundit kanë dhënë verdiktin për grupet E, F, G dhe H, ku nga 16 skuadra vetëm 8 ecin para.

Në një ndeshje dramatike të zhvilluar ndërmjet RB Leipzigut dhe Manchester United, në fund kualifikimin e siguroi skuadra gjermane me rezultat 3-2. Nga ana tjetër, Juventusi e mposhti lehtësisht Barcelonën me rezultat 0-3 dhe ia mori vendin e parë në grup.

Ndërsa në Turqi ndodhi një incident dhe ndeshja mes Basaksehir dhe Paris Saint Germain u ndërprerë në minutën e 10 dhe nuk u luajt më. Arbitri i katërt ofendoi me një fyerje raciste një nga lojtarët e Basaksehir dhe të gjithë lojtarët u revoltuan. 

Këto janë tetë skuadrat që kalojnë në fazën 1/16 të Ligës së Kampionëve:

Chelsea

Sevilla

Borussia Dortmund

Lazio

Juventus

Barcelona

RB Leipzig

Paris-Saint-Germain

K.T./r.k./Shqiptarja.com

TAG:
• champions league
• futboll