Autoritetet në Kosovë njoftuan të hënën (20 maj) se kanë mbyllur gjashtë njësi të “Bankës Postare Kursimore” të Serbisë në veri të vendit, institucion ky që ka shpërndarë pagesat e Beogradit për qytetarët serbë në Kosovë.
Policia e Kosovës tha se operacioni për mbylljen e njësive të kësaj banke kaloi pa probleme dhe u krye në bashkëpunim me Bankën Qendrore të Kosovës dhe Administratën Tatimore të Kosovës.
“Qëllimi i operacionit policor është vendosja e rendit dhe ligjshmërisë. Me autorizim të prokurorit kompetent gjashtë njësi të të ashtuquajturës Bankës Postare Kursimore ilegale në veri të vendit, janë mbyllur”, thuhet në një njoftim të policisë.
Ministri i Punëve të Brendshme Xhelal Sveçla, shkroi në rrjetet sociale se “sundimi i rendit dhe ligjit, shërbimi ndaj të gjithë qytetarëve pa asnjë dallim do të vazhdojë të jetë qëllimi ynë për të cilin jemi zotuar në vazhdimësi”.
Operacioni nxiti reagimin e ashpër të shefit të zyrës për Kosovën në qeverinë e Serbisë Petar Petkoviç i cili e cilësoi atë një “akt tjetër të dhunshëm i shfuqizimit të institucioneve serbe në veri dhe dëbimit të popullit serb”.
Ai tha se “Albin Kurti dëshiron luftë dhe vuajtje për popullin serb, sepse çdo gjë që bën në muajt e fundit, e bën ekskluzivisht për hir të dëbimit të serbëve nga territori i Kosovës”.
Operacioni i së hënës, data (20 maj) ndodh gati katër muaj pas hyrjes në fuqi të një rregulloreje të Bankës Qendrore të Kosovës sipas së cilës euroja është valuta e vetme që mund të përdoret për pagesa me para në dorë në Kosovë. Kjo kishte nxitur reagimin e zemëruar të Beogradit, dhe shqetësimet e diplomacisë perëndimore për ndikimin e saj në jetën e serbëve të Kosovës që vazhdojnë të mbështeten financiarisht nga Beogradi si dhe në tensionet ndërmjet palëve.
Kosova dhe Serbia ishin pajtuar të bisedojnë në Bruksel me lehtësimin e Bashkimit Evropian për të gjetur një zgjidhje për çështjen e pagesave por pa sukses edhe pas shtatë takimesh.
Diplomatët i kanë bërë thirrje vazhdimisht qeverisë së Kosovës të pezullojë rregulloren e Bankës Qendrore dhe t’u jepet kohë qytetarëve të prekur për t’u përshtatur me situatën e re. Kjo çështje është shndërruar në temë mospajtimesh mes qeverisë në Prishtinë dhe diplomacisë perëndimore dhe në cilësinë e partneritetit me Shtetet e Bashkuara. /VOA/
Lajme të tjera
-
Ligji për llogaritë falas, 70 mijë qytetarë marrin pensionin në bankë, llogari falas edhe për studentët e refugjatët
5 Prill, 14:55
-
Nga sot, llogari bankare falas për pensionistët e personat me ndihmë ekonomike! Brenda vitit pensioni do merret në bankë
3 Prill, 12:12
-
SHBA-ja rrit sërish normën e interesit, pavarësisht rrezikut për përkeqësim të ekonomisë
22 Mars 2023, 22:09 -
Tensionet për targat, Lajçak dhe Escobar takojnë serbët në veri të Kosovës
25 Gusht 2022, 09:51 -
Itali/ Dyshohet se do të vidhnin bankën në Vatikan, lihen të lirë 2 persona: Kaluam rastësisht! Grabitësi që mbeti brenda tunelit nuk është në gjendje të flasë
13 Gusht 2022, 09:56 -
Itali/ Si 'La Casa de Papel'! Hapën tunel për të vjedhur një bankë! 1 nga 4 grabitësit mbetet brenda, kërkon ndihmë! VIDEO- nga operacioni i shpëtimit
11 Gusht 2022, 19:01 -
Grabitën bankën në Koplik rreth një muaj më parë, ndalohen dy të rinj nga Malësia e Madhe
4 Qershor 2022, 13:08 -
Flamuri i Kosovës në fanellën e kombëtares ukrainase, mediat serbe: Provokim ndaj Serbisë
11 Maj 2022, 11:19 -
Grabitja e bankës në Koplik, zbulohet shuma që morën autorët në sportele! 3 grabitësit ende në arrati
10 Maj 2022, 08:49 -
Kombëtarja Shpresa nuk ndalet, likuidon për herë të dytë Kosoven! Kundër Anglisë synohet ëndrra
13 Nëntor 2020, 20:57 -
Katër ditë pasi do mbyllej filiali i bankës në Gjirokastër, drejtori vodhi 15 mijë euro e 7 mijë USD! Arrestohet në Tiranë
12 Nëntor 2020, 13:09
-
Bankimi në distancë? Dje i nevojshëm, sot i domosdoshëm
20 Gusht 2020, 11:49
