Mbyllet procesi i Legalizimit në Urë-Vajgurore, Artan Lame shpërndan 140 leje legalizimi dhe 260 certifikata pronësie të tokave bujqësore

Mbyllet procesi i legalizimeve në Urën Vajgurore ose bashkinë Dimal i njohur me emrin e ri, ku janë shpërndarë 140 leje legalizimi dhe 260 certifikata pronësie të tokave bujqësore. Drejtori i Përgjithshëm i Agjencisë Shtetërore të Kadastrës, Artan Lame i shoqëruar nga Ministri i Turizmin dhe Mjedisit Blendi Klosi ka shpërndarë në qytetin e Urës-Vajgurore dhe zonat kadastrale të kësaj bashkie certifikatat e pronësisë dhe lejet e legalizimeve duke theksuar se është mbyllur tashmë procesi i legalizimeve në qytetin Urë-Vajgurore dhe fshatrat Pashalli,Guri i Bardhë, Cukalat, Samaticë, Pobrat etj, pjesë e zonave kadastrale të kësaj bashkie.

Lame ka deklaruar se,pas përfundimit të këtij procesi të rëndësishëm do të fillojë procesi i verifikimit të tokës bujqësore.

"Kadastrat do të fillojnë një proces të rëndësishëm,atë të regjistrimit të tokës bujqësore në çdo fshat dhe kjo është edhe sfida më e madhe e Kadastrës. Njerëzit kanë nga 30-vjet që presin certifikimin e tokës,një proces që filloi me ligjin 7501 dhe do të përmbyllet sot", tha Lame.

Edhe Ministri Blendi Klosi, ka uruar të përfituesit e certifikatave të pronësisë,që i hapin rrugën investimit në turizëm.   

TAG:
• artan lame
• Ura Vajgurore
• legalizime
• dimal