Mbylli të moshuarën në dollapin e rrobave dhe i mori 20 mijë euro, arrestohet 25 vjeçari shqiptar në Itali

Një 25 vjeçar shqiptar është arrestuar në Cueres të Italisë mbrëmjen e së martës pasi u kap duke grabitur një shtëpi. Shqiptari në bashkëpunim me persona të tjerë të cilët ende nuk janë arrestuar, kanë grabitur një të moshuar në Itali. 

I riu shqiptar duke përdorur një thikë kuzhine ka kërcënuar të moshuarën e cila gjithashtu ishte shtetase e huaj, duke i kërkuar kësaj të fundit të gjitha paratë që kishte në banesë. E moshuara u ka dorëzuar të gjitha paratë që kishte në shtëpi, një shumë rreth 20 mijë eurosh dhe më pas është mbyllur në dollapin e rrobave nga grabitësit. 

Sipas mediave italiane, shqiptari zotëronte dy pasaporta, njëra prej të cilave false. 
 

B.V/Shqiptarja.com

TAG:
• itali
• shqiptari ne itali