Ditën e sotme u njoftua se '15 katëshi' në kryeqytet ka mbyllur për herë të dytë brenda vitit dyert për klientët. Situata e krijuar nga pandemia e COVID-19 ka shkaktuar shumë humbje dhe ndaj është marrë serish ky vendim ekstrem. Ky është rasti i dytë pas mbylljes së "Hilton".
Në lidhje me këtë në Shqipëri kanë mbyllur aktivitetin në vend, ka folur për Report Tv kryetar i Sektorit të Hoteleve në "Shoqata Shqiptare e Turizmit", Zak Topuzi.
Ai është shprehur se kjo është një periudhë shumë e rëndë për të gjithë sektorin.
"Është një situatë e e pritshme pasi pjesa më e madhe e hoteleve në Shqipëri janë në kushtet e emergjencës, janë në prag të gjendjes emergjente, kanë ndezur llampën e kuqe, pasi situata nuk ka ndërmend të përmirësohet deri në në pranverë.
Masat e marra për të rimëkëmbur këtë industri nuk janë ato të duhurat dhe sigurisht që pasojat do të jenë. Strukturat e mëdha do fillojnë gradualisht duke u mbyllur në pamundësi për të paguar taksat dhe punonjësit. Do të mbijetojnë ato që kanë mbetur me menaxhim kryesisht familjar", u shpreh z. Topuzi.
Topuzi deklaron se masat anti COVID të qeverisë kanë shtuar më shumë vështirësitë në funksionim.
"Hotelet thuajse janë të mbyllur. Me kapacitet 10% është thuajse e pamundur mbijetesa për arsye të kostove të mëdha. Taksat janë të papërballueshme. Vazhdohet të paguhet taksa e pronës, e cila nuk është hequr ende.
Me vendime qeverie janë kufizuar aktivitetet, që nga sallat e mbledhjeve, ditëlindjet, grumbullimet me jo më shumë se 10 veta. Të gjitha këto sjellin një situatë të vështirë dhe është e pamundur që industria turistike të mbijetojë në kushtet kur kufijtë janë mbyllur dhe i vetmi furnizim janë nga Kosova dhe Maqedonia", vijoi ai.
Kryetari i Sektorit të Hoteleve në "Shoqata Shqiptare e Turizmit", Zak Topuzi, u shpreh se vendet e rajonit kanë ecur me hapa shumë të rëndësishme për të mbështetur strukturat e hotelierisë dhe turizmit.
"Vendet e rajonit kanë marrë masa të rëndësishme për ta mbajtur këtë industri në kushtet e mbijetesës, që të mos mbyllet pasi janë aset kombëtar. Mund të marrin strategjinë e Maqedonisë së Veriut dhe Malit të Zi. Duhet të theksoj se Shqipëria është në listën e 10 vendeve të Evropës që mbahen nga turizmi. Situata e COVID do të shkaktojë dëme të pariparushme.
Por ndryshe ka ndodhur në Shqipëri nga ajo që ka ndodhur në Mal të Zi dhe në Maqedoninë e Veriut. Ata kanë subvencionuar pagat dhe sigurimet shoqërorë deri në dhjetor, kanë shtyrë me 12 muaj kreditë ekzistuese dhe shteti ka subvencionuar interesat e kredisë, kanë dhënë kredi për likuiditet me pak kosto, kanë përdorur lehtësira fiskale, kanë falur taksat e lokaleve, kanë dhënë grante deri në 30 mijë euro për bizneset që kanë lidhje me turizmin etj", tha për Report Tv z. Topuzi.
Komente
Lajme të tjera
-
'Mirror': Shqipëria, parajsa evropiane tërësisht nën radarin e turistëve
24 Dhjetor, 07:51 -
Turizmi, shqiptarët preferojnë pushimet jashtë, daljet u rritën me 14.7% në janar-tetor
20 Dhjetor, 11:05 -
'Express': Shqipëria, destinacioni i ri mesdhetar që turistët nuk duhet të humbasin në 2025
18 Dhjetor, 13:33 -
Fatos Çoçoli: Vizitori i dhjetëmiliontë
11 Dhjetor, 18:28
-
Shqipëria rekord të ardhurash prej 3.9 mld euro nga turizmi, për 9 muaj fitoi 640 mln € më shumë se në 2023
11 Dhjetor, 16:07
-
Vrojtimi i BSH/ Ndërtimi optimist, rritet kërkesa për prona! Turizmi ‘pesimist’, ndikoi rënia e ‘bumit’ të sezonit veror! Besimi në ekonomi u ul me 0,4% në Nëntor
2 Dhjetor, 17:25
-
Bizneset më shpesh në dyert e bankave, morën 564 mln euro kredi më shumë se vjet! 1/3 e huasë shkoi tek tregtia me shumicë e pakicë, bujqësia në vendnumëro
28 Nëntor, 16:56
-
'Travel and Tour World': Shqipëria, një yll në rritje në turizmin evropian
26 Nëntor, 07:38 -
Wall Street Journal: Pse Shqipëria duhet të jetë destinacioni i radhës për udhëtarët e zgjuar
24 Nëntor, 20:33 -
Mirela Kumbaro për 'Radio Evropa e Lirë': Shqipëria synon turizëm elitar me gjithë sfidat
24 Nëntor, 18:13 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
' Pagat në turizëm, konkurruese me Athinën!' Rama platformë me ofertat e tregut për emigrantët: Çmenduri të rrish në ndërtim në Greqi, kur rrogat këtu janë super
16 Nëntor, 09:50
Po mor po te falim taksat ty se po na ben vezen e kuqe ti topuz debili...
Përgjigju