POP 5

Lajmet më të lexuara të 5 minutave të fundit

Kronikë

Më 1 maj ‘shkrihen’ 9 gjykata të shkallës parë, dosjet nuk rishortohen! Kreu i Gykatës së Pogradecit: Brenda muajit transferohemi në Korçë

Pas gjykatave të Apelit do të mbyllen 9 Gjykata të Shkallës së Parë në rrethe. Nga data 1 Maj ato do të transferohen në qendër qarku, por e rëndësishme është se nuk ka rishortim. Të gjitha çështjet e nisura do të vazhdojnë të gjykohen nga e njëjta trupë gjyqësore.

Nga data 1 Maj nuk do të funksionojnë 9 Gjykata të Shkallës së Parë në rrethe, mes tyre dhe ajo e Pogradecit. Të gjitha dosjet do të transferohen brenda këtij muaji në Korçë. Bazuar në udhëzimin e KLGJ dosjet nuk do të rishortohen por do të vazhdojnë të gjykohen nga të njëjtat trupa gjykuese, thjesht ndryshon salla e gjyqit nga Pogradeci në Korçë.

“Dosjet që kanë gjykim gjyqtarë do i mbajnë të njëjtët gjyqtarë nuk do rishortohen siç ndodhi me Apelin. Ne kemi aktualisht 600 dosje”, tha Artan Jahollari kryetar i Gjykatës Pogradec.

Gjatë muajit prill gjykata e Pogradecit do të caktojë vetëm masa sigurie dhe nuk do të regjistroje çështje të reja.

“Brenda muajit prill do të fillojë transferimi në Korçë”, tha më tej Jahollari kryetar i Gjykatës Pogradec

Sipas Jahollarit në qarkun e Korçës duket se nuk do të ketë shkurtime në administratën gjyqësore dhe për rrjedhojë i gjithë personeli do të funksionoj në gjykatën e re të shkallës së parë me qendër në Korçë. Ndërsa në Pogradec pas datës 1 Maj do të mbetet një sekretari për shërbime administrative gjyqësore.

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça