POP 5

Lajmet më të lexuara të 5 minutave të fundit

Politikë

Lajme nga emisionet

Me Berishën apo Alibeajn? Nebiaj: Dua të jem deputete e PD, jo pjesë e një grupi! Ish-kryeministri, lider historik! Respekt për grupin që drejtohet nga kreu i grupit parlamentar

Me Sali Berishën apo Enkelejd Alibeajn? Ori Nebiaj, deputetja që u bë pjesë e Kuvendit  pasi përfitoi mandatin nga dorëheqja e Grida Dumës shprehet në një intervistë për Report Tv se nuk e sheh veten si pjesë të asnjë grupi por si pjesë të Partisë Demokratike.

Me Sali Berishën apo Enkelejd Alibeajn? Ori Nebiaj, deputetja që u bë pjesë e Kuvendit  pasi përfitoi mandatin nga dorëheqja e Grida Dumës shprehet në një intervistë për Report Tv se nuk e sheh veten si pjesë të asnjë grupi por si pjesë të Partisë Demokratike.

Sali Berishën e cilëson si lider historik të PD ndërsa tregon se ka respekt edhe grupin parlamentar që përfaqësohet nga Enkelejd Alibeaj. Një koment e pati edhe për festën e 32-vjetorit të themelimit të PD që i gjeti demokratët të ndarë.

“Nuk ka ndonjë demokrat që e pëlqen këtë moment kur 32-vjetori i themelimit gjen PD në 2 festa. I kam të gjithë kolegë, kam ndarë momente e të vështira me ta dhe në një opozitë kaq të gjatë e të mundimshme, një festë si 32 vjetori duhet të ishte festuar bashkë. Nuk është me vend të shohim pas duke e parë veten të ndarë. Nuk dua ta shoh veten si pjesë të asnjë grupi, por si 0pjesë të PD. Unë do të jem në parlament si e djathtë që përfaqëson të djathtën. Jam aty për qytetarët”, tha Nebiaj në një intervistë për emisionin ‘Studio Live’ me gazetarin Arbër Hitaj.

E pyetur se kush është kreu i PD, Nebiaj tha se do të presë vendimin e gjykatës dhe zgjodhi të mos bënte koment. Megjithatë thekson misionin e vetëm të opozitës për të sjellë më të mirën për shqiptarët.

“Berisha do jetë gjithmonë në krye të PD, ai është lider historik, pavarësisht se shohim drejt së ardhmes. Kam respet për grupin parlamentar që përfaqësohet nga Alibeaj dhe për ata që mbështesin Berishën. Jam e detyruar që t’i jap ligjit atë që meriton. Sfida e vetme e përbashkët e opozitës së madhe është të bëhet më e mira për shqiptarët. Besoj që viti që vjen do e gjejë opozitën me shumë punë të ndërtuar

Zoti Berisha është uragan energjish dhe në foltore, teksa mbante syzet e errëta që i shkonin, padyshim që të emocionon. Berisha është aty ku i takon”, tha Nebiaj.

Sa i përket betimit në parlament, Nebiaj thotë se nuk munguan emocionet ndonëse u mirëprit me puthje e përqafime nga demokratët.

“Më zunë emocionet teksa shkoja në parlament për sfidën e madhe që më pret. Në sallë u ndjeva më komode se më mirëpritën”, tha Nebiaj.

Po ashtu e cilëson shumë të vështirë vendimin për të pranuar mandatin duke qenë se kandidoi për deputete në një kohë kur PD nuk ishte e përçarë.

“Ajo që më ka bërë përshtypje ishte se siç e përjetoja unë, e përjetonte shumë kush. Me persona që kam folur edhe në rrjete sociale më kanë thënë mendoje me kujdes se situata politike nuk është njësoj si atëherë kur vendosa të marr pjesë në zgjedhje. Ishte vendim i vështirë se shoh misionin dhe dëshirën për të bërë maksimumin”, tha Nebiaj.

Nebiaj kandidoi në zgjedhjet parlamentare 2021, por nuk siguroi dot një mandat. Asaj iu hap rruga për t’u futur në Kuvend pasi Grida Duma la mandatin për t’u angazhuar në botën e televizionit. Nebiaj pati siguruar 5606 vota preferenciale.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • tani: 15/12/2022 00:11

    I VETMI vend ne bote qe zgjedh kur*at si deputete......

    Përgjigju
  • eljo: 13/12/2022 21:18

    As mish as peshk, kjo thote Saliu eshte lideri historik por nuk tha gje qe lideri historik eshte NON GRATA per shkelje te renda,korupsion, hajduteri etj, kjo njala eshte me Ameriken apo kundra.

    Përgjigju
    • Or tej: 13/12/2022 23:47

      Kjo njala eshte per shkop or teeejjjjj

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46