Dy persona të cilat kanë tentuar të udhëtojnë nga Rinasi, drejt Anglisë me dokumente të falsifikuara, janë arrestuar nga Policia.
 
Burime nga Policia në Rinas për Report TV, bëjnë me dije se Jaser Buzi dhe Saimir Gani kanë tentuar të udhëtojnë në interenararin Rinas-Stamboll-Madrid-Manchester, me dokumente italiane të falsifikuara.

Saimir Meraj, 28 vjeç dhe Jaser Buzi, 34 vjeç u kapën sot në orën 10:00 gjatë kontrollit në aeroportin e Rinasit.
 
Dyshimi i Policisë është se bëhet fjalë për një grup i cili merret me falsifikimin e dokumenteve për të udhëtuar në Angli.
 
Për këtë arsye po merren në pyetje Jaser Buzi dhe Saimir Gani, për të zbuluar nëse ka persona të tjerë të përfshirë në këtë rrjet.
Arrestohen dy shqiptarë më dokumente false italiane, synonin të udhëtonin drejt Anglisë.

Redaksia Online
Al.N/Shqiptarja.com