49-vjeçarja shqiptare Klodiana Celo, e cila qëlloi me armë zjarri ish-partnerin e saj, mjekun grek, për çështjen e kujdestarisë së vajzës së tyre 13-vjeçare, u procedua për vrasje të mbetur në tentativë dhe për tentativë rrëmbimi të vajzës.
E veshur me jelek anti-plumb dhe me duar të lidhura, artistja 49-vjeçare ka dalë nga prokuroria. Para gazetarëve ajo ka bërtitur duke thënë se ajo shpëtoi fëmijën e saj, dhe nëse s’do kishte qenë për të ajo dhe vajza do të kishin vdekur. Në gjendje të rëndë mendore, Klodiana Çela tha se ai ja kishte rrëmbyer vajzën e përdhunuar.
‘Unë i shpëtova jetën fëmijës tim. Unë dhe vajza ime do të kishim vdekur tani. Nuk doja që t'i ndodhte askujt ndonjë gjë e keqe. Unë shpëtova fëmijën dhe jetën time. Unë nuk e kisha parë fëmijën tim, rrëmbyesin dhe përdhunuesin e saj për pesë vjet. Ai e përdhunoi, i dha drogë dhe tha se kishte epilepsi dhe e përdhunoi. Ata bënë gjithçka që të merrnin vajzën time. Së bashku me mjekë të tjerë. Mjekë të njohur që dalin nëpër kanale dhe flasin për mbrojtjen e qytetarëve. Më lanë pa shtëpi dhe më morën fëmijën. Fëmijën tim, nuk dua asgjë tjetër.’- tha ajo para gazetarëve.
Ndërkohë në një moment teksa Klodiana Cela po largohet me pranga në duar, njëra prej familjarëve të shqiptares dëgjohet duke i thënë ‘të lumtë dora!’ Pas të shtënave, 49-vjeçarja ka tentuar që të rrëmbejë vajzën nga makina e mjekut. E mitura ka bërë rezistencë të fortë dhe për këtë arsye nuk ia arriti qëllimit.
Mjeku okulist Georgos Neos, i cili po lufton për jetën, pasi u qëllua me dy plumba në bark nga ish-partnerja e tij shqiptare Klodiana Celo, për çështjen e kujdestarisë së vajzës së tyre 13-vjeçare, ka folur vite më parë për konfliktin me shqiptaren. Vajza, e cila ishte prezentë në kohën kur nëna e saj qëlloi babin, është fryt i një lidhje jashtëmartesore mes mjekut dhe Çelos.
Mosmarrëveshjet midis tyre kanë qenë të ashpra. Ndërkohë në mediat greke është publikuar një interviste e mjekut grekut, i cili kishte pranuar që ta njihte vajzën si të tijën, por nuk kishte pranuar që të ndahej nga bashkëshortja e tij.
Që prej lindjes së vajzës, e deri në ditën e tragjedisë, familja e mjekut dhe shqiptarja kanë përjetuar një kalvar të gjatë procesesh gjyqësore për kujdestarinë e vajzës.
‘Ka shumë vite që kemi një mosmarrëveshje juridike. Kohët e fundit ajo është dënuar me dhjetë muaj burg për shantazh, shumë procese gjyqësore janë në pritje ndaj saj dhe ndaj meje dhe gruas sime, sepse ajo ka ardhur dy herë dhe ka rrahur gruan time. Kjo zonjë jeton duke shantazhuar njerëz të ndryshëm dhe duke marrë para. Më ka marrë mbi 100,000 €. Ka qenë vazhdimisht në spital, ka bërë bujë, tani ka shkuar në gjykatë dhe pritet kush do ta marrë vajzën. Kam kërkuar që të kujdesem vetë për fëmijën’, ka thënë okulisti në një interviste vite më parë.
"Ne jetojmë në një dramë"
Mjeku okulist përshkroi problemet që ai dhe familja e tij po përballeshin që nga 49-vjeçarja.
“Ka ardhur këtu, ka bërë dëme në makinat e familjes sime. Fëmija ka mbi një vit që jeton me ne. Ne duam që familja ime ta mbajë fëmijën, sepse aty vuan nga mamaja. Kjo zonjë shpik për arsye zhvatëse. Vjen në spital, shantazhon, vjen, bën bujë poshtë shtëpisë, domethënë e gjithë familja ime po jeton një dramë”, përshkruan ai.
‘Ajo me sa duket kishte ndërmend që unë ta divorcoja dhe të shkoja të jetoja me të. Ajo nuk ia doli qëllimit të saj dhe tani po përpiqet të hakmerret ndaj meje dhe të më prishë familjen’, shtoi ai.
‘Ajo më thotë ‘Do të të shkatërroj financiarisht, profesionalisht dhe socialisht’ dhe këtë plan e ka vënë në zbatim. Unë nuk jam divorcuar kurrë, jetoj me familjen time dhe ishte një lidhje e rastësishme, siç ndodh në shumë njerëz. Ajo kishte fshehur që ishte e martuar, kishte fshehur origjinën, kishte fshehur emrin, tregonte një emër tjetër. Mua dmth më tha që është italiane, gjithsesi… Kjo lidhje zgjati rreth gjashtë muaj, gjithsej. “Që aty e tutje, unë mora përgjegjësitë e mia kur lindi fëmija, duke i dhënë asaj rreth 2000 deri në 3000 në muaj, para krizës”, tha ai.
‘Kur filloi kriza i thashë që nuk mund të të jap kaq shumë, sepse zonja duhet të ketë parasysh që jeton në një shtëpi të madhe në periferi veriore. Nuk ka punuar kurrë në jetën e saj… Kur kështu, fillova t'i them "nuk mund të të jap kaq shumë, duhet të fillosh të punosh dhe ti të kontribuosh, sepse tani me krizën më kanë rënë të ardhurat", ajo filloi të më shantazhonte në stilin se “nëse nuk më jep këto para, do të shkoj në polici të them se ke tentuar të më përdhunosh dhe se ke abuzuar me fëmijën”. Ndaj u desh dhe fillova të padisë atëherë. Ajo më bënte një person impulsiv dhe i pamëshirshëm”, pohoi doktori.
Komente
Lajme të tjera
-
Greqia në grevë të përgjithshme, punonjësit protestojnë për presionin e kostove të jetesës
20 Nëntor, 19:53 -
Paralizohet Greqia, sot grevë 24 orëshe në sektorin publik dhe privat
20 Nëntor, 08:21 -
E zuri korenti duke vjelë ullinjtë, humb jetën 48-vjeçari shqiptar në Korfuz
18 Nëntor, 18:34 -
‘Po flirton me Erdoganin dhe Ramën’, Mitsotakis përjashton nga partia Demokracia e Re ish-kryeministrin Samaras
16 Nëntor, 16:49 -
Greqi/ Në kërkim për vjedhjen e 7 banesave, arrestohet ‘skifteri’ shqiptar
13 Nëntor, 17:10 -
VIDEO/ Aksident i rëndë në Athinë, përplasen 2 motorë, vdes 18 vjeçari shqiptar, shpëton adoleshenti grek
12 Nëntor, 18:17 -
Trump bisedë telefonike me kryeministrin grek Mitsotakis! Qeveria greke: Në fokus bashkëpunimi mes dy vendeve
12 Nëntor, 12:53 -
Pas takimit me shqiptarët në Selanik, Rama për mediat greke: Keqinformim për pronat në Himarë! Keqardhje për zhurmën 'Beleri'! Asnjë problem për të forcuar marrëdhëniet me Greqinë
4 Nëntor, 15:18 -
Rama ndan video nga takimi me shqiptarët në Selanik: Frymëzim kuqezi
4 Nëntor, 08:50 -
Greqi/ Tërmet me magnitudë 5.3 në Selanik, ja ku ishte epiqendra
3 Nëntor, 18:29 -
Rama i quajti forcat e reja politike nga Selaniku si ‘maska e Sudes’, Kulluri: Të trajnohet si ‘roje arash koperative’, ja fshinë dardhat shokët e s’mbeti gjë për njerëzit
3 Nëntor, 14:51 -
Spahiu: Rama, kryeministri i parë në 80 vite që tubohet me diasporën në çdo qytet të BE dhe SHBA! E turpshme që opozita mbajti krahun e Greqisë dhe jo gazetarëve shqiptarë
3 Nëntor, 12:36
Greku Mos te hiqet kaq I ndershem. Famljen e tij e tradhetoi duke pasur lidhje tjeter. I PA fytyr qe e akuzon per shum gjera. Apo paguan avokatet e fiton gjyqet. Drejtesia greke ta analiz oi drejt kete ceshtje. Ne cdo vend te botes deri ne moshen 18 vjec femija I takon nenes. Tip maskaraj
Përgjigju