'Më ka marrë malli të përqafoj nënën', zonja nga Tirana: Edhe nëse qeveria i heq masat, do ruhemi gjatë

Merr çdo ditë leje jo vetëm për të blerë ushqime për familjen e saj brenda 4 mureve, por edhe për nënën e moshuar që i jeton jo shumë larg shtëpisë së saj. Në një intervistë për Report Tv, zonja thotë se e ka marrë malli të përqafojë nënën, sepse ushqimet ia lë në distancë duke mos e takuar. Ndërkohë ajo thotë për gazetaren Eliza Gjediku, se kjo situatë me rregullat kufizuese dhe mbrojtëse, do të vazhdojë gjatë për ta, edhe nëse qeveria vendos t'i heqë.

"Kam dalë me leje për një orë, do shkoj tek nëna ime t'i blej dy gjëra t'ia çoj. Nuk e  takoj më ka marrë malli, ia çoj ushqimet nga larg. U bë një muaj e ca që nuk e kam përqafuar nënën time. Edhe qeveria me i heq masat do t'i vazhdojmë se sipas televizorit kjo periudhë zgjat shumë, kështu që do t'i ruhemi gjatë", tha zonja.

Lajmi kryesor:

Kufizimet ndaj COVID-19/ Të moshuarit jashtë shtëpie për pazare, qytetarët dyndje nëpër tregje (VËZHGIMI)

G.M./r.k./Shqiptarja.com

TAG:
• ushtria
• policia e shtetit
• masat e policise
• koronavirusi ne shqiperi