‘Më kë nxirë jetën duke më thënë laj enët’, Kryemadhi mesazh me nota humori nënës për 8 mars: Faleminderit për mbështetjen pa kufij

Deputetja Monika kryemadhi ka uruar të gjitha gratë dhe vajzat për 8 mars, ndërsa ka ndarë një foto me nënën dhe vajzën e saj. Më nota humori Kryemadhi i shkruan nënës se i ka ‘nxirë jetën duke i thënë laj enët’ dhe e falënderon atë për të gjithë mbështetjen që i ka dhënë.

"Një urim i veçantë për të gjitha ju nëna dhe gra në çdo ditë të jetës tuaj, jo vetëm sot. Mam ma ke nxirë jetën duke më thënë çohu laj enët, bëj punët, mëso, ku je, ku humbe.  S’më the njëherë një fjalë të mirë se mos më hipte vetja në qejf, edhe kur grindesha me kalamajtë e lagjes, fajin sipas teje e kisha gjithmonë unë. Edhe kur merrja dhjetë në një provim të vështirë në Matematikë më thoje: e mirë se nuk ke shkuar në hënë, atë punë ke të studiosh.

Përtej shakave dua të të falenderoj për mbështetjen pa kufij, për sakrificën sublime, për lodhjen e tejskajshme, për ty mam dhe për të gjitha ju gra dhe nëna që kujdeseni çdo ditë për familjet tuaja. Qofshi të lumtura dhe të bekuara kudo ku jeni! Zoti iu dhëntë forcë dhe kurajo për të përballuar çdo sfidë që na sjell jeta", shkruan Kryemadhi. 

LEXO EDHE:
Mali i Zi, sfidat dhe vështirësitë e grave në bashkësinë shqiptare

Lajmi kryesor:

Sot është 8 Marsi, Dita Ndërkombëtare e Gruas! Në sheshin 'Nënë Tereza' vendoset instalacioni 'Këpucët e kuqe'

SI.E./Shqiptarja.com

TAG:
• 8 marsi