'Më mirë të mos luhej', Courtis neglizhon sfidën me Italinë! Mancini: Kundër Belgjikës vlen për Botërorin

Të dielën në orën 15:00 në stadiumin e Juventusit në Torino do të luhet finalja e vogël e Ligës së Kombeve për vendin e tretë dhe të katërt mes Italisë dhe Belgjikës. Të dy kombëtaret u eliminuan në gjysmëfinale dhe kjo përballje do të jetë si ngushëllim, për më tepër që Belgjika do të kërkojë të hakmerret për eliminimin që italianët i bënë në kampionatin europian.

Për atë që përfaqësojnë dy kombëtaret kjo është një përballje, që mund t’i japë shumë futbollit, por portieri i Belgjikës Courtis është mjaft skeptik. Për këtë ndeshje ai është shprehur:

“Do të luajmë për asgjë. Askujt nuk i intereson nëse dalim të tretët apo të katërtit në Ligën e Kombeve. Për mua kjo ndeshje nuk duhej të zhvillohej.”

Në 23 përballje me njëra tjetrën Italia ka fituar 15, 4 janë mbyllur në barazim dhe 4 të tjera janë fitore të Belgjikës, e fundit në vitin e largët 1972. Por ndryshe nga protagonistë të Belgjikës mendojnë te Italia, skuadra kampione Europe që u eliminua nga Spanja në gjysmëfinale. Trajneri Roberto Mancini ka deklaruar:

“Është një ndeshje vendimtare. Duhet t’ia dalim për të mbajtur një nga 7 vendet e para në renditjen e FIFA-s, që të jemi të favorizuar në shortin e Botërorit.”

Te Italia do të ketë disa mungesa si Pessina, Immobile dhe Toloi, ndërsa Bonucci është i ndëshkuar me karton të kuq. Ndërkohë te Belgjika skuadra është e plotë dhe Hazard me De Bruynë kanë lënë pas problemet fizike.

Ne.k./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të ndalohen filmat shqiptarë të prodhuar gjatë periudhës komuniste?



×

Lajmi i fundit

John

357 të infektuar dhe 1 viktimë në 24 orët e fundit! Rritet numri i pacientëve të shtruar në spitale! 6,438 raste aktive me COVID