Gjithnjë e më shumë të lidhur, përmes internetit, e si pasojë më të izoluar nga bota reale, shoqëria… Në epokën e vrapit teknologjik, më të riskuarit mbeten fëmijët, ndaj, Najada Elmazi, tenton që të përçojë mesazhin e saj përmes teatrit…
“Duke qenë se prej një viti e gjysmë unë merrem me fëmijët, duke punuar me pjesën e aktrimit, kam vënë re se jo vetëm në aktrim, por edhe në fusha të tjera fëmijët e kanë shumë problem pjesën e socializimit me njëri-tjetrin dhe kjo ka qenë ideja e kësaj shfaqje që ata të afrohen”, shprehet Najada Elmazi, regjisore e shfaqjes.
Në shfaqjen “Të lundrojmë pa internet” të mbajtur në skenën e Teatrit Eksperimental për dy netë radhazi, disa prej fëmijëve, nga 4 deri në13 vjeç, interpretojnë për herë të parë në skenë. Por, për regjisoren është me rëndësi, përçimi i mesazheve nga fëmijët për fëmijët, përmes etydeve, dialogjeve e një larmishmëri performancash… që shpalosin talentin e tyre.
“Rolet sigurisht që kanë qenë të vështira, por ata bëjnë veten e vet në skenë dhe jemi munduar që të kapim pikat e tyre më të forta dhe siç e shikoni dikush ka plastikën, dikush karakterin. Dikush është natyrë dramatike, një tjetër komike, pra secili ka elementët e vet individual”, shprehet më tej Elmazi.
Nga shkolla në familje, skenat ndërrohen dhe fëmijët të vendosur përballë mungesës së internetit, përpiqen të evidentojnë kurthet e teknologjisë, të afrohen me njëri-tjetrin, përmes lojërave, dialogjeve apo imitimit të të rriturve.
Lajme të tjera
-
'Bilanci' i Teatrit Eksperimental! Nën drejtimin e Gjergj Prevazit, sezon suksesi me shfaqje brenda dhe jashtë vendit
31 Gusht 2023, 22:18 -
Profesionet më joshëse, diskutimi në ‘Esencë’ ! Regjisorja: Bota e aktrimit, larmi eksperiencash! Trajneri i sportit: Suksesi është gjithnjë tundim
30 Mars 2023, 13:30 -
‘Luba’, Armand Bora sjell dramën e një historie dashurie në diktaturë! Aliçka: Ma rrëfeu një gardian, për të 'ish për t'u zgërdhirë', që i burgosuri qante mbi letrat e bashkëshortes
21 Janar 2023, 20:35
-
'Dita më e bukur' me tradhti e falje, Ledio Topallaj sjell realitetin francez në teatër! Gentian Zenelaj: Do doja që ‘zgjidhja’ e çifteve në Shqipëri të ish paqësore, si kudo në Evropë
20 Mars 2022, 08:23
-
Intervista për Report Tv, Altin Basha rrëfen përse vendosi të behet drejtor i Teatrit Eksperimental: Ka nevojë për reformim të thellë
16 Dhjetor 2020, 18:40
