Sot në sallën e Parlamentit, për 4 orë rresht u transmetua Live një hendek i jashtëzakonshëm i realitetit shqiptar. Për herë të parë, njëri përballë tjetrit, pamë dy fytyra të ndryshme të vendit tonë. Prokurori Altin Dumani i thirrur për t’iu përgjigjur pyetjeve të Sali Berishës tregoi me gjithë qartësinë fytyrën e drejtësisë së re dhe atë të politikës së vjetër. Dumani i saktë dhe institucional në çdo përgjigje të tij u sulmua nga hijenat e etura për gjak të dërguara aty për t’u hakmarrë për arrestimin e Sali Berishës. Deputetët dukeshin prokurorë (ata të kohës së Enverit), ndërsa prokurori dukej një ligjvënës, si ata që udhëheqin demokracitë moderne.
Nëse qëllimi i Partisë Demokratike ishte të tregonte se Altin Dumani dhe e gjithë struktura e SPAK-ut janë një instrument politik, dështuan në projektin e tyre. Në të kundërtën, Dumani tregoi një ekuilibër të fortë, duke i kthyer opinionit publik imazhin e një njeriu të Shtetit (një nga të paktët që shihen nëpër ekrane televizive shqiptare) i aftë të mbajë distancë nga mazhoranca ashtu si nga opozita. Asnjë lëkundje përballë akuzave që vinin nga bankat e PD-së, asnjë dridhje qerpiku përballë insinuatave se Sali Berisha është i burgosur politik. Do të mund të ishte përgjigjur se Sali Berisha është në arrest shtëpie për shkak të zgjedhjes së tij: do t’i kishte mjaftuar të respektonte vendimin e gjykatës dhe të paraqitej dy herë në muaj për të firmosur një dokument prezence dhe askush nuk do ta kishte penguar të vazhdonte si njeri i lirë jetën e tij politike, familjare dhe parlamentare. Por Sali Berisha e ndjen veten përmbi ligjin dhe vetëm për këtë arsye gjykata u detyrua të transformojë detyrim paraqitjen në arrest shtëpie pa e ndalur megjithate të bëjë mitingje përditë dhe të takojë kë të dëshirojë në shtëpinë e tij të shndërruar në seli partie. Një tolerancë që asnjë i burgosur i vërtetë politik nuk do të mund të gëzonte.
Shumë vetë kritikuan mënyrën se si u lejua që sekti ekstrem i PD-së të bombardonte Dumanin me pyetje që ishin insinuata dhe akuza më shumë se kërkesa për informacione siç procedura parlamentare e kërkon. Në fakt, në disa momente dukej si një sallë e inkuizicionit komunist, si ato e proceseve popullore që organizonte Enver Hoxha për t’u dhënë një shembull publik armiqve të vet. E në këtë mënyrë, në ferrin e urrejtjes dhe të hakmarrjes që u shndërrua parlamenti, ishte një deputet nën hetim për pastrim parash si Flamur Noka të cilit iu dha mundësia të nxjerri dufin e tij kundër prokurorit që po e heton, edhe pse i friksuar dukshëm derisa i mbahej goja. Dhe të tjetërt, që për servilizëm ndaj Sali Berishës (i munguar në sallë për arsye të njohura) arritën të hakmerren për kapon e tyre duke akuzuar Dumanin se e ka arrestuar ai padrejtësisht apo me porosi te Edi Rama. Dumani megjithatë nuk e humbi toruan as përballë Nokës dhe as përballë të tjerëve. U soll ashtu si duhet të sillet një prokuror i Republikës që është i vetmi që përfaqëson Shtetin: Me profesionalizëm dhe ekuilibër.
Plani i Sali Berishës për të “demaskuar” partizanerinë e SPAK-ut, dështoi. Dumani e mbajti lart flamurin e pavarësisë së tij dhe kjo për PD-në është më keq se një miting “madhështor” që në të vërtetë është katandisur me një grumbullim prej pak mijëra vetësh si ai i 11 korrikut. Dumani sot forcoi besueshmërinë e tij, duke iu dhënë sulmuesve të tij, ndoshta pa dashur, dënimin më të keq që ata mund të prisnin.
Komente
Lajme të tjera
-
Dyrnjaja për Report TV: Njerëzit afër Berishës dhe djalit të tij marrin leje për kulla, sapo kanë marrë dhe një tjetër në Tiranë! Ai është komod në opozitë
26 Nëntor, 15:20 -
Gjykata Kushtetuese shqyrton më 27 dhjetor 'arrestin e shtëpisë' të Berishës, thërret dhe Kuvendin e SPAK në seancë
26 Nëntor, 14:26 -
Dosja e SPAK / Autori që sulmoi Gjergj Zefin rezulton pjesë e bandës së Suel Çelës! Renato Bodurri del në komunikimet SKY ECC me grupin kriminal
26 Nëntor, 11:46 -
Operacioni i SPAK në Elbasan/ Mes 21 masave të sigurisë dhe emri i Sergej Hasanpapaj, 43-vjeçari akuzohet se u përfshi në vrasjen e Bledar Muçës
26 Nëntor, 10:48 -
Porositi vrasjen e Saimir Kodrës / ‘Nuk po e gjejmë dot qenin, fle te Plaza’! Pajtime Fetahu: Është edhe Arben Llangozi, do përfundojë si Raviku. Vajza e gjyqtares: Mami e kënaqur që po flet me ju
26 Nëntor, 09:18 -
LIVE -Protesta e opozitës, deputet e PD-së përplasen me policinë! Noka grushta e shkelma efektivëve! Një protestues humb ndjenjat
26 Nëntor, 08:50 -
Buxheti 2025, Kuvendi shpërndan para shtesë për institucionet e drejtësisë! 100 mln lekë për godinën e re të SPAK, fond pagash për stafin e Komisionerit Publik
26 Nëntor, 07:06 -
Operacioni i SPAK/ Banushi te ‘5 Pyetjet’: Fetahu përdorte bandat për të goditur gazetarët! Prençi: Ura lidhëse mes Suel Çelës dhe prokurorëve e gjyqtarëve
25 Nëntor, 22:53 -
Në pranga me urdhër të SPAK, ish-gjyqtarja Pajtime Fetahu porositi vrasjen e gazetarit Saimir Kodra, krimi do të kryhej nga grupi Çopja
25 Nëntor, 22:34 -
Buxheti 2025 kalon te 'Ligjet': 500 milionë lekë më shumë për zgjedhjet, 200 milionë lekë për SPAK, shtesa për sigurinë kibernetike dhe institucionet e Drejtësisë
25 Nëntor, 19:58 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Meta në burg, ‘mobilizon’ partinë më 6 dhjetor në protestë para SPAK! Letër PL: Të ngrihemi kundër narkodrejtësisë
25 Nëntor, 18:56
Mjaft tē kqija i ka sjell njeriu mē i zi nē historin e Shqipris Sali Sheqere Bajga. Tani ēshtē koha qē ky vemje me emrin Sssali tē paguaj pēr gjith krimet e gjith vjedhjet pa fund.
PërgjigjuSpak ka mbështetjen e gjithë popullit shqiptar. Forca Dumani, sytë dhe shpresa jonë janë te ju.
PërgjigjuRespekte Zoti Dumani. Zoti te ruajte ty dhe familjen tende . Populli shqiptar eshte me ty me SPAK un per ndeshkimin e hajduteve me kollare ku nje pjese e tyre jane dhe vrases apo porosites vrasjesh