‘Më ngacmoi të dashurën’, zbardhet dëshmia në polici e Armir Hasajt, plagosi me armë 16-vjeçarin në Kamëz

Dëshmia e Armir Hasajt, 18-vjeçari i arrestuar sot për plagosjen e shokut të tij në Kamëz më 18 tetor, është zbardhur.

I riu u ka thënë hetuesve se sherri me 16-vjeçarin, me të cilin ka kohë që njihej dhe ishin rritur në një lagje, ka nisur për shkak se i mituri i ka ngacmuar të dashurën. Fillimisht, sipas tij, janë konfliktuar me njëri-tjetrin, pasi kishin lënë që të takoheshin për t’u sqaruar, por debati mes tyre ka degraduar dhe në gjaknxehtësi e sipër ka hapur bagazhin e makinës, ku mbante një armë kallashnikov dhe ka qëlluar vetëm një herë në drejtim të të miturit.

Për hetuesit mbetet akoma e paqartë se ku i riu ka arritur të sigurojë armën e krimit, të cilën e mbante në makinë. Sipas informacioneve, arma e krimit, tip kallashnikov nuk është gjetur ende nuk policia.

 

Lajmi kryesor:

Zbardhet plagosja e adoleshentit në Kamëz, arrestohet 18-vjeçari! Dëshmia në polici: Më ngacmoi të dashurën, e qëllova me kallashnikov

SI.E./Shqiptarja.com

TAG:
• xhorxh cuni
• kamez
• Tirane
• plagosje me arme zjarri
• Armir Hasa