POP 5

Lajmet më të lexuara të 5 minutave të fundit

Kronikë

Zbardhet plagosja e adoleshentit në Kamëz, arrestohet 18-vjeçari! Dëshmia në polici: Më ngacmoi të dashurën, e qëllova me kallashnikov

Armir Hasa, autori i plagosjes së një 16-vjeçari më 18 tetor në Kamëz ka rënë në prangat e policisë bashkë me bashkëpunëtorin e tij në rrugën “OSBE”, Kamëz. Ai dëshmoi para hetuesve se e qëlloi me kallashnikovin që kishte në bagazhin e makinës, pasi i mituri i kishte ngacmuar të dashurën.

Arratia e 18-vjeçarit Armir Hasa, i cili plagosi me një plumb në këmbë një të mitur 16 vjeç në Kamzë, nuk zgjati as 48 orë. I riu i dyshuar si autor i ngjarjes, u arrestua nga policia me bashkëpunëtorin e tij, Xhorxh Çuni, 19 vjeç, me të cilin u arratisën me makinë.

Deri tani blutë kanë arritur të sekuestrojnë vetëm makinën si provë materiale, por akoma nuk kanë gjetur armën e krimit kallashnikov.

Report Tv zbardhi dëshminë e 18-vjeçarit Has, i cili u tha hetuesve se konfliktin me 16-vjeçarin, me të cilin ishte rritur në të njëjtën lagje, e ka nisur për shkak se ai i ka ngacmuar të dashurën.

Sipas Hasës, ata kishin folur më herët bashkë për t’u takuar dhe sqaruar, por situata doli nga kontrolli.

“Në debat e sipër, - u tha hetuesve i riu i arrestuar, - hapa bagazhin e makinës dhe nga aty nxora kallashin. Qëllova vetëm një herë në drejtim të 16-vjeçarit dhe më pas u larguam me shpejtësi bashkë me shokun tim Xhorxhi.”.

Arrestimi i Armir Hasës u realizua në rrugën “OSBE”, Kamëz, gjatë operacionit të koduar "Catch".

" Nga veprimet hetimore dyshohet se këta 2 shtetas, më datë 18.10.2023, pas një konflikti të çastit për motive të dobëta, kanë tentuar të vrasin me armë zjarri 16-vjeçarin, i cili ndodhet në spital, në kujdesin e mjekëve.Në cilësinë e provës materiale u sekuestrua automjeti me të cilin 2 autorët e dyshuar janë larguar nga vendi i ngjarjes" informoi policia. 

Policia ende nuk e ka të qartë se ku e ka gjetur kallashnikovin, me të cilin tentoi të vriste shokun e tij i riu. Më herët mes tyre nuk ka pasur konflikte, por debati për ngacmimin e të dashurës ka sjell të gjithë ngjarjen e rëndë. I mituri u plagos në këmbë dhe raportohet se është jashtë rrezikut për jetën. Sektori i Krimeve në Policinë e Tiranës po vijon me vëzhgimin e kamerave të sigurisë për sqarimin e plotë të ngjarjes dhe gjetjen e armës së krimit, e cila do të avancoj më tej hetimin.

Rendit zhvillimet sipas orarit:
Ora 12:09
‘Më ngacmoi të dashurën’, zbardhet dëshmia në polici e Armir Hasajt, plagosi me armë 16-vjeçarin në Kamëz

1697645458_Screenshot10.jpg

Dëshmia e Armir Hasajt, 18-vjeçari i arrestuar sot për plagosjen e shokut të tij në Kamëz më 18 tetor, është zbardhur.

I riu u ka thënë hetuesve se sherri me 16-vjeçarin, me të cilin ka kohë që njihej dhe ishin rritur në një lagje, ka nisur për shkak se i mituri i ka ngacmuar të dashurën. Fillimisht, sipas tij, janë konfliktuar me njëri-tjetrin, pasi kishin lënë që të takoheshin për t’u sqaruar, por debati mes tyre ka degraduar dhe në gjaknxehtësi e sipër ka hapur bagazhin e makinës, ku mbante një armë kallashnikov dhe ka qëlluar vetëm një herë në drejtim të të miturit.

Për hetuesit mbetet akoma e paqartë se ku i riu ka arritur të sigurojë armën e krimit, të cilën e mbante në makinë. Sipas informacioneve, arma e krimit, tip kallashnikov nuk është gjetur ende nuk policia.

 

SI.E./Shqiptarja.com

SI.E./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Një boksier në shtëpinë e Big Brother, kush është banori i ri

Një boksier në shtëpinë e Big Brother, kush është banori i ri

28 Prill, 09:11