Shqiptarët po presin më pak për të kryer skanerin (CT), rezonancën magnetike (MRI) dhe koronarografinë, sipas të dhënave të 6-mujorit të parë të vitit 2026 të Ministrisë së Shëndetësisë dhe Mirëqenies Sociale, e cila thotë se kjo vjen si rezultat i reformave të ndërmarra në sistemin shëndetësor.

Sipas shifrave, koha mesatare e pritjes për skanerin (CT) ka rënë në 7.8 ditë, nga 24.3 ditë që ishte në vitin 2025.

Edhe për rezonancën magnetike (MRI), koha e pritjes është ulur nga 80.3 ditë në vitin 2025 në 72.3 ditë gjatë 6-mujorit të parë të vitit 2026.

Përmirësimi më i madh është regjistruar te koronarografia, procedurë që përdoret për të kontrolluar enët e gjakut të zemrës, ku koha e pritjes ka rënë nga 111 ditë në vitin 2025 në 46 ditë gjatë 6-mujorit të parë të këtij viti.

Sipas Ministrisë së Shëndetësisë dhe Mirëqenies Sociale, ulja e kohës së pritjes është rezultat i rritjes së kapaciteteve, përmirësimit të organizimit të shërbimeve dhe rritjes së efikasitetit në sistemin shëndetësor.

U.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Korrik, 07:09

    Territorialja, si e vlerësoni propozimin e PS për më pak bashki dhe ndarje në rajone?

Lajme të tjera