LEZHË- Policia e Lezhës ka arrestuar dy të rinj, pasi janë kapur më armë zjarri. Efektivët kanë ndaluar për kontroll, një makinë tip 'BMW' në zonën 'Lalm i ri', me drejtues Brodinel Deda, dhe me pasagjer Fiorald Ndoj.
Gjatë kontrollit është gjetur një armë zjarri pistoletë me krehër me fishekë dhe një shkop bejsbolli, të cilat u sekuestruan në cilësinë e provës materiale, së bashku me automjetin.
Në përfundim të veprimeve, nga specialistët për Hetimin e Krimit në Komisariatin e Policisë Lezhë u bë arrestimi në flagrancë i dy të rinjve, banues në Zejmen Lezhë, për veprat penale “Mbajtja pa leje e armëve dhe e municionit" dhe "Prodhimi, mbajtja, blerja apo shitja pa leje e armëve të ftohta".
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)