POP 5

Lajmet më të lexuara të 5 minutave të fundit

Kronikë

Me shpejtësi deri në 163 km/h dhe në gjendje të dehur, për 5 orë policia gjobit 35 shoferë dhe pezullon 16 patenta! 4 të arrestuar në Tiranë

Gjatë mbrëmjes së djeshme, si rezultat i kontrolleve për ndëshkimin e shoferëve që nuk zbatojnë rregullat e qarkullimit rrugor, janë gjobitur 35 drejtues mjetesh dhe janë pezulluar 16 patenta. Ndërsa 4 shoferë kanë rënë në pranga, pasi 3 prej tyre drejtonin mjetin në gjendje të dehur ndërsa një lëvizte pa patentë.

TIRANË- Shpejtësia mbi normat e lejuara dhe drejtimi i mjetit në gjendje të dehur vijon të jetë një problematikë që haset shpesh tek shoferët. 35 shoferë të gjobitur, 16 patenta të pezulluara dhe 3 drejtues të arrestuar. Ky është bilanci i ditës së djeshme pas kontrollit të ushtruar nga policia përgjatë 5 orëve gjatë mbrëmjes së kaluar në Tiranë.

Përkatësisht, në aksin rrugor Sauk-TEG janë konstatuar 8 shoferë që lëviznin me shpejtësi deri në 163 km/h, të cilëve u është pezulluar leja e drejtimit. Sakaq, ndaj tyre janë marrë edhe masa të tjera ndëshkuese duke iu zbritur nga 3 deri në 6 pikë nga patenta, si edhe iu është vendosur gjobë nga 10 mijë lekë deri në 26 mijë lekë. Ndërsa, 10 shoferë të tjerë janë ndëshkuar me masë administrative nga 6 mijë lekë në 12 mijë lekë, pasi janë konstatuar duke udhëtuar me shpejtësi deri në 127 km/h.

Ndërkohë, 4 shoferë kanë rënë në pranga mbrëmjen e djeshme sepse 3 prej tyre po drejtonin mjetin në gjendje të dehur, ndërsa 1 po udhëtonte pa patentë. Si pasojë e drejtimit të makinës nën efektin e alkoolit janë gjobitur 17 shoferë me nga 5 mijë lekë deri në 15 mijë lekë.

Policia iu bën thirrje drejtuesve të mjeteve që të zbatojnë rregullat e qarkullimit rrugor, si edhe mos të drejtojnë mjetet në gjendje të dehur në mënyrë që të ruajnë vetën dhe të tjerët rreth tyre.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Ylli Pata: Arsyet pse SHBA i rikujtoi Sali Berishës sanksionet

Ylli Pata: Arsyet pse SHBA i rikujtoi Sali Berishës sanksionet

18 Dhjetor, 18:58 nga Ylli Pata