POP 5

Lajmet më të lexuara të 5 minutave të fundit

Kronikë

Me shpejtësi deri në 181 km/h në aksin Durrës-Tiranë, ndëshkohen dy shoferët! Policia apel: Stop shpejtësisë

Dy drejtues mjetesh janë ndëshkuar me gjobë dhe zbritje deri në 8 pikë nga leja e drejtimit pasi kanë qarkulluar me shpejtësi tej normave në aksin Durrës-Tiranë.

Me shpejtësi deri në 181 km/h në aksin Durrës-Tiranë, ndëshkohen dy shoferët! Policia apel: Stop shpejtësisë

Tabela që tregon shpejtësinë deri në 181 km/h

TIRANË- Dy drejtues mjetesh janë ndëshkuar me gjobë dhe zbritje deri në 8 pikë nga leja e drejtimit pasi kanë qarkulluar me shpejtësi tej normave në aksin Durrës-Tiranë. Në këtë aks, shpejtësia maksimale e lejuar është deri në 90 km/h, por dy drejtuesit janë konstatuar duke lëvizur gati me dyfishin e kësaj shpejtësie të lejuar.

Njëri prej tyre po udhëtonte në këtë aks me 171 km/h dhe tjetri me 181 km/h. Policia Rrugore u bën apel drejtuesve të mjeteve që t’i thonë ‘Stop shpejtësisë’ dhe të respektojnë rregullat e qarkullimit rrugor.

“Mos udhëtoni më shpejt se jeta! 171 km/h deri në 181 km/h në aksin rrugor  Durrës -Tiranë, ku shpejtësia e lejuar është 90 km/h.

Shpejtësi që rrezikojnë seriozisht jetën e përdoruesve të rrugës.

Njësia Operacionale e Drejtorisë së Policisë Rrugore ka ndaluar dhe ndëshkuar drejtuesit e mjeteve me masa maksimale dhe zbritje deri në 8 pikë nga Leja e Drejtimit.

Stop shpejtësisë! Mos rrezikoni jetën tuaj dhe të përdoruesve të tjerë të rrugës! Policia Rrugore apelon për të gjithë drejtuesit e  mjeteve për zbatim me rigorozitet të rregullave të qarkullimit rrugor”, njofton Policia Rrugore.

Të gjitha akset rrugore nacionale dhe qendrat urbane monitorohen me mjete inteligjente nga Njësia Operacionale e Drejtorisë së Policisë Rrugore dhe Policia Rrugore vendore në çdo qark.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Çfarë prisni në vitin 2025?

Lajme të tjera



×

Lajmi i fundit

Keni shumë objektiva për të arritur...çfarë thonë yjet për ju sot

Keni shumë objektiva për të arritur...çfarë thonë yjet për ju sot

2 Janar, 08:04