Mediat arabe: Egjipti po përgatit një plan të ri ndërmjetësimi për Gazën

Antony Blinken

Egjipti po përgatit takime të reja midis fraksioneve palestineze për të shqyrtuar opsionet e reja të negociatave për Gazën dhe po punon për hartimin e një hipoteze të re marrëveshjeje pas rifillimit të negociatave midis Izraelit dhe Hamasit. 

Këtë e ka bërë të ditur Al Arabiya në platformën X (ish-Twitter) menjëherë pas takimit mes presidentit egjiptian Sisi dhe sekretarit amerikan të shtetit Antony Blinken.

Egjipti ka qëndruar gjithmonë në kontakt me ndërmjetësit nga SHBA-ja dhe Katari për të tentuar një armëpushim të ri dhe një shkëmbim të ri midis pengjeve izraelitë në duart e Hamasit dhe të burgosurve palestinezë. 

Por tani “ai do të bëjë ndryshime rrënjësore në nismën e tij të mëparshme”, zbulon Al Arabiya.

Lajmi kryesor:

Lufta/ Afrika e Jugut në GJND: Izraeli po kryen gjenocid në Gazë! Shtëpia e Bardhë: Padia e Afrikës së Jugut është e pabazë

S.S/Shqiptarja.com

TAG:
• lufta ne rripin e gazes
• OKB