Mediat britanike: 70 mijë emigrantë kanë kaluar kanalin e La Manshit nga janari, asnjëri nuk është deportuar në Francë

Mediat britanike: 70 mijë emigrantë kanë kaluar kanalin e La Manshit nga janari, asnjëri nuk është deportuar në Francë

Foto ilustruese

Britania e Madhe nuk ka deportuar asnjë emigrant në Francë, pavarësisht politikave të Brexit. Që kur u futën në fuqi rregullat e reja në janarin e kaluar, 70 mijë emigrantë kanë kaluar Kanalin e La Manshit me varka të vogla, shkruan The Sun.

Politika e re thotë se azilkërkuesit mund të shpallen "të papranueshëm" nëse ata kanë udhëtuar në një vend të sigurt si Franca, ku mund të kishin aplikuar për azil. Në periudhën 21-mujore, u shqyrtuan më shumë se 20,600 kërkesa për azil, por vetëm 83 emigrantëve iu dhanë vendime të papranueshme, që do të thotë se një vend tjetër ishte përgjegjës për kërkesën e tyre.

Nga ata 83, 21 u kthyen në Gjermani, Irlandë, Itali, Slloveni, Spanjë, Danimarkë, Suedi dhe Zvicër, por asnjë në Francë. Skema e kërkesave të papranueshme të rregullave kthente disa azilkërkues në shtetet anëtare të BE-së pa marrë parasysh kërkesat e tyre për azil.

Ndërkohë Sekretarja e Brendshme Suella Braverman pranoi se kriza e emigrantëve është "jashtë kontrollit". Më shumë se 40,000 kanë mbërritur me gomone në brigjet e Mbretërisë së Bashkuar këtë vit. Por Braverman është zotuar të "ndërmarrë veprime dramatike" dhe të ndryshojë ligjet e diskutueshme për të ndaluar emigrantët e paligjshëm.

 

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A është i drejtë vendimi për të shtyrë Komisionin Hetimor për ‘McGonigal’?



×

Lajmi i fundit

VIDEO/ Pas 43 orësh nën rrënoja, shpëtohet 3 vjeçari në Turqi! Babai i tij shpërthen në lot

VIDEO/ Pas 43 orësh nën rrënoja, shpëtohet 3 vjeçari në Turqi! Babai i tij shpërthen në lot