Në pasditen e sotme mediat serbe kanë shpërndarë me shpejtësi lajmin se policia kishte ndaluar në Preshevë  tre vëllezër, që sipas tyre ata po tentonin të kaloni kufirin për të udhëtuar në drejtim të Beogradit.

Sipas  “Novosti”, vëllezërit kishin të fshehur në makinë një dron, i cili ishte futur në vendin e gomës rezervë , ndërsa nuk kishin asnjë  lloj autorizimi për ta mbajtur në makinë.

Lajmi më vonë është përgënjeshtruar nga autoritetet serbe, ndërkaq kanq theksuar se një pretendim i tillë nuk ka ndodhur sot dhe as në ditët e kaluara.

Ndërsa ka patur dhe dyzime në mes mediave në lidhje me ktë ngjarje, gazeta “Kurir” shkruan se  ajo ka kontaktuar me Ministrinë e Brendshme serbe dhe nuk ekziston asnjë informacion në lidhje me arrestimin e tre shqiptarëve  në Preshevë.

Gjuha nacionaliste për të agravuar situatën nuk është hera e parë që ndodh në mediat serbe, por ata po përpiqen të krijojnë një situatë frike në prag të ndeshjes mes Partizanit të Beogradit dhe Skënderbeut, e cila do të luhet nesër.

Redaksia Online
N.M/Shqiptarja.com