Mediet spanjolle për kombëtaren e tyre: Është fundi i një cikli

Padyshim që dita e djeshme kishte si kryefjalë eliminimin e Spanjës nga 1/8 finale të Kupës së Botës, një ekipi që shihej si pretendent për triumfin në “Russia 2018”. Mediat spanjolle e kanë kryqëzuar kombëtaren e tyre, diku duke bërë ironi, e më pas analiza dhe detaje të dështimit. Gazeta spanjolle “Marca” shkruan me të madhe “Shkojnë në shtëpi”, e ilustruar me foton e futbollistëve spanjollë në mesin e fushës kur u humb penalltia  fundit nga Aspas.

Mundo Deportivo hapet me titullin “Ndëshkimi maksimal”, ndërsa prestigjozja AS ka si kryetitull: “Është fundi i një cikli”. Ndërsa gazeta Super akuzon presidentin e Real Madrid, Florentino Perez, i cili i mori trajnerin Spanjës, dy ditë para startit të Botërorit. Kjo gazetë, me foton e Perez, shkruan në faqe të parë: Je i kënaqur?”

Marca rendit edhe 10 arsyet kryesore pse Spanja dështoi në këtë kupë bote. Së pari, është portiere De Gea, vetëm një pritje, gjashtë gola të pësuar dhe asnjë penallti e pritur. Së dyti, shkarkimi i trajnerit dy ditë para startit. Së treti, performanca e dobët e mesfushës. 

LEXO EDHE:
Këshilli Bashkiak miraton projektin e ri “Ecole 24”: Kurse falas në teknologji për të rinjtë

E katërta, moskombinimi Iniesta-Ramos-Pique. E pesta, mungesa e gjuajtjeve drejt portës. Gjashtë, trajneri i ri Hierro, nuk ndryshoi asgjë dhe nuk solli asgjë. Asnjë ndryshim para minutën 65’. E shtata, asnjë veteran nuk mori rolin e liderit. E teta, mosdëshifrimi i kundërshtarit. E nënta, nuk kishte kurrë plan B. Dhe e fundit, harxhimi i energjive me prekjet e topit shpesh në mesfushën e vet.

TAG:
• boterori 2018
• mediet spanjolle

Sondazhi i ditës:

'Rasti Qefalia', a fshihen gjobat pas akuzave të Këlliçit, Nokës, opozitës?

• Po

  70.3%

• Jo

  18.8%

• Ndoshta

  10.9%

Vota total: 919

Votat totale janë unike

• Sondazhi i ditës:

  'Rasti Qefalia', a fshihen gjobat pas akuzave të Këlliçit, Nokës, opozitës?

  Po Jo Ndoshta