Mediu për Report Tv: Duhet organizim brenda opozitës, të afrohen figurat që kanë shkruar historinë...nuk përjashtojmë mundësinë e protestave

TIRANË- Kreu i Partisë Republikane, Fatmir Mediu vë theksin në një organizim brenda vetë opozitës,  duke kthyer kokën pas në figura historike që i kanë dhënë shumë "të djathtës politike", por të prirur për të qenë më të hapur me figura të reja. Në një intervistë për Report Tv, Mediu shprehet se kur flet për organizim opozitar e ka fjalën për rikthimin e figurave të vjetra që kanë shkruar historinë, përfshirë këtu edhe ata që kanë pasur qëndrime ndryshe dhe si shembull suksesi u referohet viteve 2001-2005.

"Formimi i partive politike është një gjë normale, janë 150 do bëhen 151, ne kemi një vobektësi në ndarjen e qëllimeve politike, por kemi një shumicë të partie politike. Dallimet mes partive janë shumë të vogla, por po të shikojmë numrin e partive të mesme janë shumë të mëdha. E rëndësishme që të vendosen rregulla të reja, por duhet ndryshuar Kodi Zgjedhor që çdo parti të marrë ato vota të vërteta. më intereson më shumë, që opozita shqiptare ka detyrim për t'iu rikthyer të gjithë historikut politik që nga themelimi, ndoshta më shpesh, familjet e persekutuar, e njerëzve që kanë qeverisur këtë vend, historitë të suksesshme duhet vlerësuar, këshilltarë,  kryetar komunash, këshilltarë, kandidatë për deputet, arsenal politik dhe njerëzor që duhet kapitalizuar nga të gjitha për të shkuar më tej më shumë se një bashkim partish. E gjithë kjo pjesë intelektuale duhet ta ndjejë që lëvizjet e reja të politikës, përfshin edhe ata. Duhet një riorganizim opozitar  dhe shoqëror. Dhe njerëz që kanë pasur qëndrime ndryshe, është koha për t'i bashkuar dhe historia e poltikës ka provuar 2001-2005 që opozita krijojnë marrëdhënie të drejta me njerëzit dhe vetëvetës kur i rikthehet historikut të saj dhe është i hapur me pjesën intelektuale", tha Mediu.

Për Mediun, kjo periudhë ka shërbyer si një reflektim brenda opozitës për përcaktimin e prioriteteve, dhe këtu nuk ka përjashtuar as protestat, megjithatë në një plan të dytë.

LEXO EDHE:
Ylli Pata: Pse opozita nuk ka fituar pikë nga hetimet e SPAK?

"Një gamë marrëdhëniesh që nuk kanë të bëjnë vetëm në opozitën, reflektim i opozitës për prioritete. Opozita të përcaktojë qartësisht se cilat janë rrugët për zgjedhje të ndershme, është koha për një angazhim marrëdhënie të brendshme. Mënyra e veprimit opozitar, kërkon një konsult dhe një vendimmarrje të përbashkët, duke përcaktuar qartësisht se kush do të jetë veprimi politik, duhet një organizim opozitar. Asnjë gjë nuk është e përjashtuar, njerëzit ngrihen në protestë,kur nuk funksionon shteti, kur ka varfëri në këtë pikëpamje dhe organizimi i një protestë duhet, por nuk duhet rregullojmë diçka për të prishur disa tjetër në aspektin shëndetësor të njerëzve", u shpreh ai.

Ndalur në  zhvillime të tjera, Mediu tha se ndalja e punës së Komisionit të Reformës Zgjedhore është e qëllimshme. Ai ka bërë edhe ironi, duke thënë se për aq kohë sa është mbledhur Këshilli i Sigurisë Kombëtarë online, kur nuk ishte mbledhur prej vitesh, është tregues shumë i thjeshtë se mazhoranca ka dashur që të gjithë vëmendjen ta kalojë te COVID-19 dhe dëshirën për të kontrolluar të gjitha pushtet. 

"Pezullimi i komisionit të Reformës Zgjedhore, kishte një mijë mënyra për të vazhduar online, pse të mos funksionojë kështu, kur funksionin Këshilli që është mbledhur 3 kur, kur 7 vitet e fundit nuk është mbledhur asnjëherë. Nëse parlamenti po bën teatër, pse komisioni nuk po bën një punët vlefshme për shqiptarë. Mungesa e dëshirës së mazhorancë, ka një prapaskenë që është kufizimi i të drejtave të njeriu dhe autoriteti në duart e një personi, nuk mund të tolerojë që të kthehet", shtoi kreu i PR-së në një intervistë për Report TV.

Mediu nuk ka preferuar që të shkojë përtej të padukshmesh sa i përket marrëdhënies Rama-Meta. Ai ka vlerësuar punën e Metës si president, kështu e ka vlerësuar edhe dekretimin e ndryshimeve në Kodin penal.

"Meta ka bërë punën e Presidentit në këtë situatë të vështirë, nuk ka shpikur asgjë as qeveria dhe as presidenti, mbledhja e Këshillit, cështja që ka ndgrut diskutim është miratimi i Kodit Penal, nuk mendoj se pas cdo veprimi ka një prapaskenë, të gjithë duhet të bëjnë punën për pozicioni që ka. presidenti duhet të jetë i pavarur", tha Mediu.

TAG:
• fatmir mediu
• protesta e opozites
• opozita
• Koronavirus

Sondazhi i ditës:

Si ka qene per ju viti 2024?

• I mire

  44.1%

• I keq

  22.7%

• As i mire as i keq

  33.2%

Vota total: 1507

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq