Mehmet Shehu, letra e që dëshmon
marrëdhëniet me Hoxhën në Luftë

TIRANE- Çlirimi i Tiranës dhe gjithë aksioni i përshkruar nga Mehmet Shehu në letrën e 16 nëntorit 1944. “Faleminderit për ndihmën që i ke dhënë nënës dhe familjes time. I kam hequr tashmë dyshimet mikro-borgjeze që herë-herë kanë qënë fiksuar në trurin t’im deri në Kongresin e Përmetit kur biseduam bashkë...” 70 vjet më vonë, nga dita kur u shkrua kjo letër e Mehmet Shehut drejtuar Enver Hoxhës me 16 nëntor 1944, dokumenti që po paraqesim merr një rëndësi të veçantë. Vetëm paragrafi i saj i fundit flet për luftimet rreth Tiranës dhe çastet në prag të çlirimit të saj. Por edhe pse një paragraf i vetëm, në të ai rreshton shifra, dhe detaje të imtësishme të planit të luftimeve për çlirimin e kryeqytetit.