Memli Krasniqi, replika me Alma
Laman në Twitter për Vetëvendosjen

PRISHTINË - Përplasen Memli Krasniqi dhe Alma LamaRrjetet sociale në Kosovë janë kthyer në arenë debati për politikanët. Së fundi, Memli Krasniqi në Twitter me disa statuse ka kritikuar Lëvizjen Vetëvendosje. Ai thotë se Alma Lamës i qenkan dashur 3 vjet për të kuptuar, që Vetëvendosje është parti fondamentaliste, transmeton "Bota Sot".

“Alma Lamës iu qenkan dashur 3 vjet me e kuptu atë që çdo njeri racional e kupton për 3 minuta: Faktin që VV është parti fondamentaliste”, shkruan ai.

E shpejtë ka qenë Alma Lama, duke i thënë atij se, të paktën për 3 minuta e ka kuptuar kush është Memli dhe këtë e ka bërë, kur ai ka larguar foton e Nënë Terezës nga zyra e Ministrisë. "Në fakt 3 minuta më janë dashur për të kuptuar se kush jeni ju, kur hoqët foton e Nënë Terezës nga zyra e Ministrisë”, ia ktheu ajo.

Por Memli nuk ndalet tek Alma. Më vonë u mor edhe me Shpend Ahmetin. Ai tha se ka qejf me ditë, çfarë do të thotë ai kur të largohet (ose largojnë) nga Vetëvendosje. “Bash kisha pas qef me e dit, çka ka me deklaru Shpend Ahmeti kur do largohet (ose e largojnë) prej VV. Besa edhe çka do thonë VV për të. :)”, shkruan Kransiqi.

Ky debat vjen pas largimit të deputetes dhe ish-gazetares Alma Lama nga Vetëvendosje.

Redaksia Online
(mag/shqiptarja.com)