POP 5

Lajmet më të lexuara të 5 minutave të fundit

Sociale

Memorial kushtuar familjes Gazulli në Dajç të Lezhës, e famshme për kontributin ndër shekuj në historinë e kombit

Në Dajç të Lezhës do ngrihet një memorial në nder të familjes Gazulli, e cila ka kontribuar në vend që në kohën e Skënderbeut.

Veprimtaria e familjes Gazulli, një familje kjo e njohur ndër shekuj në historinë tonë kombëtare që nis që në kohen e Skënderbeut, do të jetësohet përmes një memoriali që po ndërtohet në Dajç të Lezhës. Ky memorial po realizohet me iniciativën e famullitarit të zonës Dom Angjelin Krygja sipas idesë së Skulporit Sadik Spahia, inxhinierit Sokol Gazulli dhe mbështetjes së studiuesit Dom Nik Ukgjini, Bashkisë Lezhë dhe banorëve të Dajçit.

“Ideja ishte të realizohet në këtë formë se na dha dorë ambienti. Tani do kthehet në një park për të përkujtuar të gjithë figurat e kësaj familjeje, të cilët ishin personazhe madhore të kombit shqiptar”, tha studiuesi, Dom Nik Ukgjini.

Realizimi i këtij memoriali ishte planifikuar vite më parë, por kishte munguar mbështetja.

“Kishim 17 vjet që kemi grumbulluar materialin për këto martir të Dajçit. Për zonën dhe kombin është shumë e rëndësishme, pasi janë disa personalitete që kanë qenë gjithmonë të parët në front për lirinë e popullit”, u shpreh banori i Dajçit,  Zef Ndreca.

Memoriali është planifikuar të përfundoj në muajin dhjetor, kohë e cila përkon me 75-vjetorin e ekzekutimit të albanologut Dom Nikoll Gazulli në Shkrel të Malësisë së Madhe.

K.T./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Berisha me gratë demokrate të LDG: Kjo është qeveria e Luciferit, shqiptarët kanë marrë arratinë! Ministret e Ramës pa forcë morale

Berisha me gratë demokrate të LDG: Kjo është qeveria e Luciferit, shqiptarët kanë marrë arratinë! Ministret e Ramës pa forcë morale

25 Dhjetor, 19:13