‘Mendoja të hidhesha nga tarraca’, modelja rrëfen problemet me shëndetin mendor dhe varësinë

Jeta nuk ka qenë fare e thjeshtë për të. Modelja mjaft e njohur Gisele Bündchen ka treguar të gjitha problemet që ka hasur në jetën e saj në lidhje me shëndetin mendor, klaustrofobinë dhe varësinë. Gjithçka e keni të shkruar në librin e saj me kujtime, “Lessons: My Path to a Meaningful Life”.

Në një rrëfim për revistën “People” modelja u shpreh se gjërat duken perfekte nga jashtë por në të vërtetë janë shumë të vështira. Gisele ka folur për krizat e panikut dhe frikën nga hapësirat e mbyllura.

“Isha në një pozicion shumë të mirë në karrierë, shkoja shumë mirë me familjen dhe e kam menduar gjithnjë veten si njeri pozitiv, prandaj u tregova shumë e ashpër me veten asokohe. Më dukej sikur s’kisha të drejtë të ndihesha keq. Isha e pafuqishme. Bota bëhej gjithmonë e më e vogël, s’merrja dot frymë. Është ndjesia më e tmerrshme. Më dukej sikur gjithçka në jetën time po përpiqej të më vriste. Në fillim, avionët, pastaj ashensorët. Pastaj tunelet dhe hotelet dhe studiot e modelingut dhe makinat. Në një moment tjetër, apartamenti im. Gjithçka u kthye në kafaz dhe unë isha kafsha robinë brenda tyre, duke luftuar për ajër. S’gjeja asnjë dalje, s’duroja dot asnjë ditë më shumë,”- është shprehur Gisele.

LEXO EDHE:
Protesta, militantët mblidhen në selinë blu! Pritet të marshojnë drejt Kryeministrisë

Më pas ajo ka treguar momentin që ka menduar të hidhet nga tarraca e pallatit.

“Aty më lindi ideja: Ndoshta do të ishte më e thjeshtë sikur të hidhesha. Do të marrë fund. Mund të jem e lirë. Kur e kujtoj atë moment dhe 23-vjeçaren që isha, më vjen për të qarë. Dua t’i them që gjithçka do të rregullohet dhe që s’ka filluar ende të jetojë. Në të moment ama, e vetmja zgjidhje ishte të hidhesha,”- përfundon modelja. Por tashëjm ajo është në gjendje mjaft të mirë shëndetësore dhe gjithçka i përket të shkuarës.

TAG:
• gisele bundchen

Sondazhi i ditës:

Sipas jush kë do të forcojë më shumë protesta e 7 tetorit?

• Sali Berishën

  66.2%

• Edi Ramën

  27.9%

• Nuk e di

  5.9%

Vota total: 6151

Votat totale janë unike

• Sondazhi i ditës:

  Sipas jush kë do të forcojë më shumë protesta e 7 tetorit?

  Sali Berishën Edi Ramën Nuk e di