POP 5

Lajmet më të lexuara të 5 minutave të fundit

Bota

Merkel paralajmëron: Diskutime të rrezikshme për lirimin e masave

Gjermania filloi këtë javë me kujdes lirimin e disa masave kufizuese në kuadër të krizës së Coronës. Kancelarja Merkel është e shqetësuar. Ashpër ajo kritikon debatin për lirimin e masave.

Merkel paralajmëron: Diskutime të rrezikshme për lirimin e masave

Kancelarja Merkel e ka kritikuar në mënyrë të pazakontë me ashpërsi debatin që po zhvillohet aktualisht në Gjermani për lirimin e masave të forta kufizuese në luftë kundër Coronës. Në një video-konferencë të presidiumit të partisë së saj, CDU, ajo është shprehur, se është e shqetësuar, që mesazhi i lehtësimit të kujdesshëm të masave ka çuar në një „orgji diskutimesh për hapjen" e tyre. Rreziku i infeksioneve me Corona është edhe më tej shumë i lartë në Gjermani, ka thënë Merkel.

Si edhe më parë është e pamënjanueshme, që qytetarët të respektojnë rregullat e distancës dhe masa të tjera mbrojtëse, tha Merkel para pjesëmarrësve në video-konferencë. Merkel citohet të ketë thënë se është „skeptike" dhe „shumë e shqetësuar".

Konsultime të tjera më 30 prill

Kancelarja gjermane ka kujtuar se për masat e tjera do të diskutohet më 30 prill mes federatës dhe landeve. Por më e rëndësishme është se si do të jetë gjendja pas një jave. Vetëm nga data 8 apo 9 maj do të kemi një përshtypje më të saktë, se si do të ecet përpara me ekonominë dhe si do të veprohet me shkollat, sipas saj.

Federata dhe landet ranë dakord që pas katër javë mbylljeje të detyruar, nga e hëna të hapen dyqanet deri në madhësi 800 metra katrorë. Detajet varet nga degët e caktuara dhe landet. Në disa lande kanë filluar shkollat për nxënësit maturantë. Por rregullat e ndalimit të kontaktit janë në fuqi deri më 3 maj. Bavaria ndërkohë ashpërsoi masat dhe futi detyrimin e maskës në të gjitha dyqanet dhe qarkullimin urban./ DW

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ermjona Gjermani: 21/04/2020 07:12

    po moj po tani fole prap ti se para nje jave the e kemi virusin nen kontroll dhe do hapemi por pe qe kete jave u dynden gjermanet neper cdo aktivitet dyqan dhe merkato qe u hap duke bere kaos pa distance e pa maska dhe dole me vrap duke fshehur te verteten e frikshme me shifra qe i modifikoni per te mbajtur ekonomine ne shina.Gjermania u hap para kohe mori nga te fundit shtete masa dhe u hap para gjith shteteve duke rrezikuar dhe bere eksperiment me njerez por shifrat po rriten shume dhe ndaj dole e the mund te mbyllemi prap.

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

‘Ti je dritë që na ndriçon’, Cristiano Ronaldo uron me fjalët më të ëmbla Georginën për ditëlindje

‘Ti je dritë që na ndriçon’, Cristiano Ronaldo uron me fjalët më të ëmbla Georginën për ditëlindje

27 Janar, 17:35